Pơn rơ ngan, kơnòm bơsram càr Dăk Lăk ai geh 114 khà jờng tàm Dơ̆ pơrlòng rơwah kơnòm bơsram jak dà lơgar kấp pe, geh 3 khà 1, 21 khà 2, 34 khà 3 mờ 56 khà pơn jờng. Do là cồng nha jơnhoa ngan rlau jơh bơh lài tus tŭ do, ai càr Dăk Lă ơm dơ̆ 12 tàm 34 càr, ƀòn dờng. Tàm Dơ̆ pơrlòng Jak chài - Măi mok kấp dà lơgar, kơnòm bơsram bơh càr dê ai geh 1 khà 2, 1 khà 3 mờ 3 khà 4.

Bàr rơndăp broă lơh “Mòn lơh phan siñ họk bơh kơltau mờ kơmhò sầu riêng” mờ “Lơh niam wơl sồ rùp hin phan lời wơl niam chài, tơrgùm wơl hìu ơn prap ờ ngan sền gĭt” gam ai geh Gai lòng Biàng WICO nam 2026 tàm Seoul, lơgar Hàn Quốc. Di dơ̆ do, càr pà khà jờng ai ală kơnòm bơsram mờ cau pơgru tề lam kơnòm bơsram lơh geh khà jờng in tơn.