Tàm dơ̆ ies, ồng Lê Minh Hưng, Thủ tướng Chính phủ tơngŏ bơta pơlai soh uă ngan tềng đăp bơta sang rài bơh ồng Chu Dung Cơ dê, mơkung pơyoa jơnau tam pà bal muăt jrùm tus mờ Đảng, Dà lơgar, Làng bol lơgar Lo mờ hìu bơnhă ƀồc ồng dê.

Lài hơ̆, ồng Tô Lâm- Tổng Bí thư, Chủ tịch lơgar, ồng Lê Minh Hưng, Thủ tướng Chính phủ, ồng Trần Thanh Mẫn, Chủ tịch Quốc hội mờ ồng Trần Cẩm Tú, Duh broă sùm Mpồl đơng lam Đảng neh pơyoa điện tam pà bal muăt jrùm tus mờ đơng lam bồ lơgar Lo mờ hìu bơnhă ƀồc ồng Chu Dung Cơ dê. Kwang atbồ Anih lơh broă ala mat lơgar Lo tàm lơgar Việt Nam ồng Hà Vĩ jơh nùs ưn ngài đơng lam bồ mờ Mpồl kwang bàng ala mat lơgar Việt Nam neh tus ies, tơngŏ bơta sền dờng màng tàm bơta gĭt gơ̆p lơh bơyô bal, lơh broă bal đah 2 Đảng, 2 Dà lơgar mờ Làng bol 2 lơgar dê.