Càr Dăk Lăk tŭ do geh 1 rơbô 069 nă cau kra ƀòn, cau geh bơngă pin dờn. Tơngai pa do, mpồl do jơh nùs tus bal hòi jà làng bol bơtàu tơnguh lơh sa, tơrmù rƀah, bơt bơtàu ƀòn lơgar pa; sền gàr lơngăp lơngai rơndăp tăp sèng, tơn jơh bơta tàm gơjrañ; prap gàr ală bơta kwơ niam chài bơhiàn ờs mờng. Uă cau gam lòt lài tơn tàm broă lơh sa, hòi jà làng bol tam gơl broă lơh lơh sa, lơh geh bơta ring bal tŭ lơh jat ală gùng dà broă lơh tàm kấp hơđơm.

Tàm pơrjum, ală cau ala mat tam pà uă mờng chài rơ̆ ru, broă lơh geh ngan tàm hòi jà làng bol brồ guh lik klàs rƀah, tơn jơh bơta tàm gơjrañ, sền gàr niam chài, ntrờn kơ̆ kơl jap làng bol ơm kis mờ pơgồp bal đah lơngăp lơngai rơndăp tăp sèng. Mpồl bơyai lơh neh jờng rơ 220 nă cau kra ƀòn, lam bồ thôn, cau geh bơngă pin dờn pơn rơ jak mờ 11 mpồl cau geh uă tă pơgồp tàm broă lơh geh broă lơh, dong kờl broă lơh sa, tơrmù rƀah mờ bơtàu tơnguh lơh sa- mpồl bơtiàn tiah làng bol jơi bơtiàn dồ ết nă cau.