Dơ̆ tus còp bơh ồng Jose Mulino, Kwang atbồ lơgar Panama là dơ̆ niam kwơ màng nàng bàr lơgar lơh nền nòn tai bơta git gơ̆p lơh broă bal, ală dơ̆ cri bơyai chính trị, tơnguh jơnau git wă bal, mờ tam gơl nùs nhơm lơh bơyô bal neh geh bơ̆t bơtàu tàm rơlao 50 nam do gơs ală gah lơh broă bal kwơ màng pa, cèng geh cồng nha mùl màl.

Dơ̆ tus còp bơh Kwang atbồ lơgar Panama rơ̆p pơgồp bal pờ geh dùl tăp pa tàm bơta git gơ̆p đah lơgar Panama mờ lơgar Việt Nam, mờ ai geh tơngu me tờm kơ̆ kơl jăp rơlao ai broă lơh broă bal jŏ jòng đah bàr lơgar dê. Tàm tơngai tus còp mùl màl lơgar Việt Nam dơ̆ do, Kwang atbồ lơgar Panama kờp dŭ geh cri bơyai tơn mờ ồng Tô Lâm, Tổng Bí thư, Chủ tịch lơgar, tìp măt cri bơyai mờ ồng Lê Minh Hưng, Thủ tướng Chính phủ mờ ồng Trần Thanh Mẫn, Chủ tịch Quốc hội.