Đơs tàm pơrjum, ồng Trần Trung Tính, Thứ trưởng Ƀộ Jak chài mờ Măi mok pà git, jat Jơnau lơh nền sồ 21 nam 2026, Thủ tướng Chính phủ neh ai lơh jat mat măi mok kuơmàng mờ phan măi mok kuơmàng. Việt Nam git nền 10 măi mok kuơmàng, tàm hơ̆ geh măi mok sồ, măi mok lượng tử, măi mok sinh học mờ y sinh pa, nàng kờñ ai lài priă jền, gơ hòi gơ jà bơcri priă, chồl tơnguh kơlôi sơnơng, ngui mờ lơh tờm măi mok kuơmàng.

Tàm tŭ tơngai lơh jat Jơnau lơh nền tàm pơrjum sồ 57 bè bơtàu tơnguh jak chài, măi mok, tam gơl pa bơceh lơh mờ tam gơl sồ, pơrjum đơs sùm jơnau sồr tam gơl pa bồ tơngoh kơlôi sơnơng, ai jak chài mờ măi mok gơ gơs là bơta gơn kơnờm tơn drơng bơtàu tơnguh. Ală cau jak chài tơrgùm cribơyai bè bồ tơngoh jak kòn bơnus lơh gơs, măi mok lượng tử, hoá học kơnhăp kơ̆, năng lượng hạt nhân, tam gơl năng lượng mờ ală broă jak chài, măi mok ai tơlik.