Lài hơ̆, bơh jơnau yal bơh làng bol tiah do dê, ngai 5/10, kwang bàng, cau ling Mpồl K51 bơyai lơh sền gĭt tàm tiah Tusvai, sàh Đắk Đam, càr Mondulkiri. Nàng tus tàm tiah do, mpồl lòt jòi pal lòt jơng rlau 2 giơ, lòt gan brê, tiă gan dà croh.

Tơnơ̆ tŭ tờ tus bơta jrô rlau 60 phơng, ală cau ling sền gŏ uă phan lời wơl geh gơrềng tus cau chơ̆t màng. Bàr ƀồc ntìng cau ling chơ̆t màng ơm ngài pơgăp 2 thơk, ngài mờ tiah dà croh rlau 50 thơk mờ rềp dùl tờm chi dờng. Tơnơ̆ tŭ sền gĭt, mpồl lơh broă bơyai lơh rồ tơrgùm, jun rê ơn prăp, sền gàr mờ duh khoai tàm cơldŭ duh khoai cau ling chơ̆t màng. Bè hơ̆, tơnơ̆ 20 ngai lơh jat kơnòl broă kàl prang nam 2026-2027 tàm lơgar  Campuchia, Mpồl K51 neh rồ tơrgùm geh 3 ƀồc ntìng cau ling chơ̆t màng. Cồng nha pơgồp bơnah lơh jat Broă lơh dờng 500 ngai mang,  jun ală cau ling chơ̆t màng rê wơl mờ ƀòn lơgar tờm.