Kontainer kơphê coh măy gơgơs phan bơh măt kă bro phan Miss EDE dê tăc tus drà lơgar Mỹ dăp 18 rbô kơldung kơphê coh măy gơgơs phan. Do là phan bơna kơphê lơh niam jơh bơh Kông ty Trăc ñiệm Hữu hạn Kă bro phan Drơng broă Anih lơh broă sa sươn dờng EDE dê, geh ơn tàm kơldung tàm Việt Nam. Kơphê geh lơh phan bơh chờm dồ êt jăt broă pơlam lơh gơgeh kañ jăt tơl jơnau sồr FDA lơgar Mỹ dê. Phan kơphê geh tam tàm tiah tam phan kơ̆ kơl jăp ờ sơgràm njềt brê geh is, geh sră cơng tàng EUDR mờ geh ătbồ bơh Simexco Dăk Lăk dê. Mpồl lơh sa kă bro blơi phan bơh lơgar ndai tàm ƀang dềt Illinois, lơgar Mỹ dê, tăc phan bơna tàm ală anih ràng tăc uă phan tàm ƀòn lơgar, pờ tơlik tŭ niam geh tìp cau ngui sa lơgar Mỹ mờ tơngguh uă măt kă bro phan Việt Nam dê tàm drà ală lơgar.

Mờ broă geh tai dồ mpồl lơh sa kă bro tàm Dăk Lăk tăc mờ lơgar ndai phan bơna kơphê coh măy gơgơs phan tus lơgar Mỹ là tŭ niam nàng kơphê Việt Nam in đơs nền bơngă tàm ală drà ngui sa dờng tàm dunia.