Cồng nha pà gŏ, dơ̆ tĕ khà tàm ù tiah càr dê neh geh lơh cồng nha, di broă rơndăp lơh, mờ khà cau tĕ khà tus bal uă. Càr geh rlau 2 tơlak 400 rbô nă cau tĕ khà lòt đùh sră, geh khà 99,84%. Cau tĕ khà Gia Lai neh pồ tơl 16 nă cau ala măt Quôk hội jăt di rơndăp tăp sèng. Gơ wèt mờ Mpồl duh broă Làng bol càr, 85 nă cau ala măt neh geh pồ tơl. Tàm kâp sàh, gùt càr neh pồ geh 2 rbô 964 nă cau ala măt, gam ờ tơl 13 nă cau ala măt.

Tàm mpồl lơh broă tĕ khà sồ 8, sàh Tuy Phước Bắc, tài ờ hềt pồ tơl 2/3 khà cau ala măt, Anih duh broă tĕ khà sàh neh lơh nền bơyai lơh tĕ khà tai 1 nă cau ala măt tàm ngai do 19/3.