Tàm dơ̆ wă, Thủ tướng ồng Lê Minh Hưng sền kwơ ngan tềng đăp mờ broă sền gròi bơh mpồl bơtiàn mpồl lơh sa kă bro lơgar Mỹ dê gơwèt mờ drà kă bro lơgar Việt Nam, sền do là cơng tàng ai geh bơta niam lơh broă bal lơh sa, kă bro phan mờ bơcri priă ngai sơlơ jrô ơnàng đah bàr lơgar dê. Đơs nền jơnau kờñ bơtàu tơnguh lơh sa mhar mơya pal kơl jăp, ai jơnau kờñ tơnguh uă rài kis làng bol lơh tờm,

Thủ tướng pà git lơgar Việt Nam tơrgùm tơnguh nùs nhơm lơh tờm kwơ màng mờ tam gơl broă lơh gơguh lơh sa ai bơh bơta jăk măi mok, tam gơl pa bơceh lơh mờ tam gơl sồ. Lơgar Việt Nam hơ bơsong bơta gơkòl, lơh gơs gùng dà broă lơh mờ kơrnoăt boh lam nàng ai tơl bơta niam ngan nàng ală cau bơcri priă lơgar bơdìh in, tàm hơ̆ uă ngan là mpồl lơh sa kă bro lơgar Mỹ. Đơs nền lơgar Mỹ là lơgar lơh broă bal kwơ màng lài ngan, Thủ tướng kơ̆p kờñ lơh pràn git gơ̆p, Lơh broă bal Jŏ jòng Tơl ală bơta đah lơgar Việt Nam mờ lơgar Mỹ mŭt tàm bơta mùl màl, tài bơta kwơ làng bol dê mờ mpồl lơh sa kă bro đah bàr lơgar, pơgồp bal ai bơta ring lơngai mờ pas gơs tàm tiah do.