Tàm Dơ̆ jờng rơ cau pà mhàm pơnrơ ngan nam 2024, Mpồl Sồr lơh hòi jà pà mhàm dong kờl is càr Kon Tum neh jờng rơ 349 nă cau, hìu bơnhă, mpồl cau pà mhàm pơnrơ ngan.

Mờ jơnau đơs “Pà mhàm dong kờl cau- Dồ broă lơh nùs nhơm niam bơnĕ ngan”, srơh pà mhàm dong kờl is tàm càr Kon Tum ală nam rềp ndo neh geh bơta bơtàu tơngguh pràn ngan bè kơldung mhàm dờp geh mờ khà cau dong kờl is tus bal dê. Bơh nam 2023 tus tŭ do, jơh gùt càr neh lam lơh 57 dơ̆ pà mhàm dong kờl is, dờp geh mờr 9 rbô 800 kơldung mhàm sơrlèt broă jàu.