Củ tịc Quôk hội pà git, dơ̆ tĕ khà cau ala mat Quôk hội khoă XVI mờ cau ala mat Mpồl duh broă Làng bol ală kâp tơngai lơh broă bơh nam 2026 tus nam 2031 sền bal lơh geh cồng nha niam bơnĕ mờ khà cau tĕ khà lòt pồ tàm gùt lơgar geh uă ngan, mờr 99,69%; ờ duh pal bơyai lơh pồ wơl tàm khat dùl mpồl tĕ khà lơi tàm gùt lơgar. Tŭ do, ală càr, ƀòn dờng gam pơn jat tai tơrgùm wơl, kờp sền nền nòn nàng yal mờ Mpồl duh broă tĕ khà Dà lơgar. Kờp dŭ drim ngai 22/3 do, Mpồl duh broă Tĕ khà dà lơgar rơp yal cồng nha tĕ khà. Bơh hơ̆, rơp cih mat ală cau geh pồ, Anih duh broă broă lơh cau ala mat rơp lam lơh yal gơnoar cau ala mat.

Bè ală jơnau lơh nền ai tơlik gùng dà crơng gơs adat boh lam tơngai lơh broă Quôk hội khoă XVI yal Ƀộ Cíñ trị, jat Củ tịc Quôk hội den tơngume jơnau rơcang cih ală jơnau lơh nền neh lơh jat ală jơnau lơh nền, broă rơndap lơh dờng tàm Sră nggal Pơrjum dờng cau ala mat gùt lơgar dơ̆ XIV bơh Đảng dê, mờ kung pơlam lơh jat ală jơnau lơh nền tàm pơrjum tờm ngan, kuơmàng mờ mìng dùl tơngume kuơmàng bơh Ƀộ Cíñ trị dê gơ rềng tus broă lơh sir kơrnuat boh lam mờ bơtàu tơnguh dà lơgar tàm tŭ tơngai pa. Củ tịc Quôk hội sồr, Quôk hội kờñ pal pơn jat tai kờp sền lơh pơn rơ bơta tờm tàm jơnau rơcang cih tơngume lơh broă là git nền kơnòl broă lơh sir kơrnuat boh lam, adat boh lam là broă tam gơl kuơmàng nàng bơtàu tơnguh dà lơgar; git wă loh adat boh lam pal ngan ngồn gơ gơs bơta gơn kơnờm bơtàu tơnguh.