Tàm pơrjum, Tỉñ ủy càr Lâm Đồng yal jơnau lơh nền tơnggơs Mpồl sồr lơh tơn jơh broă lơh jăt Jơnau lơh nền tàm pơrjum sồ 18 gơ wèt Tỉñ ủy càr Lâm Đồng bơh ồng Nguyễn Thái Học, Ătbồ ing Ƀí thư Tỉñ ủy càr Lâm Đồng lơh Kwang ătbồ Mpồl. Bè đah gơnoar ătbồ pơlam gùng rơndăp tăp sèng, mờ tơmŭt bal Sở Broă rơndăp lơh mờ Bơcri priă bal mờ Sở Priă jền; Sở Gùng lòt rê Jun pơndiang bal mờ Sở Bơ̆t bơtàu; Sở Phan kwơ geh is mờ Tiah ơm kis bal mờ Sở Broă lơh sa sươn sre mờ Bơtàu tơngguh Ƀòn lơgar; Sở Yal tơnggĭt mờ Mblàng yal jơnau mờ Sở Jak chài mờ Măy mŏk, Sở Lơh broă, Cau ling sồt să mờ Mpồl bơtiàn bal mờ Sở Broă dơlam.

Mơkung, ntrờn gơnoar ătbồ ătbồ dà lơgar bè bàr pe broă lơh gơ wèt ală sở lài do tus ală sở pa gơ in dipal. Bè pơlam gùng broă lơh kwang bàng, rơndăp tăp sèng wơl mpồl kwang bàng gơ jăt bal mờ tơrmù cau lơh broă sa priă nhai dà lơgar; săc rwah kwang bàng bal mờ nùs nhơm “pràn jak ngan, nùs nhơm niam ngan, broă lơh broă pràn kơldang, đơs gơtùi, lơh gơtùi”, lơh gơs niam, lơh sir jak ngan kơnòl broă.