Ling mpồl 34 sồr ală mpồl ling gàr niam cồng nha lơh  broă mờ tŭ tơngai mut lơh; rcang lài broă drơng broă, lơh jat niam ală jơnau sồr bè sàng goh phan ngui sa, sàng goh tiah lơh broă mờ sền gròi pràn kơl dang să jan ai mpồl ling in tàm tŭ tơngai lơh kơnòl broă.

Bơdìh mờ mpồl ling bơh Ling mpồl 34 dê, tàm dơ̆ lơh uă do, Gah đơng lam Mpồl ling klàng càr Gia Lai (Ling tiah 5) kung tus bal dong kờl mut lơh ală hìu bơsram ơm sa bĭc tơn tàm hìu bơsram ală kấp tàm tiah nhàr lơgar đah mat tơngai mut càr dê. Bơta tàm sơm bat tê bal bơh ală mpồl ling klàng rơ̆p pơgồp bơnah lơh mhar tŭ tơngai lơh sir ală broă lơh bơt bơtàu, mơkung pơn jat tai lơh gơrề uă rùp hin cau ling Mpồl ling Wa Hồ dê sùm lòt bal mờ tiah do dê tàm broă sền gròi broă lơh bơto bơtê tàm tiah nhàr lơgar càr Gia Lai dê.