Đơs tàm dơ̆ pơrjum, ồng Phạm Gia Túc, Phó Thủ tướng Duh broă sùm đơs loh, Nam APEC 2027 geh đơng lam bồ Đảng, Dà lơgar mờ Chính phủ sền gĭt là tŭ tơngai niam kwơ màng nàng lam lơh geh cồng nha gùng dà broă lơh lơh broă mờ lơgar ndai ai Pơrjum dờng dơ̆ 14 Đảng dê, nàng kờñ tơnguh gơnoar broă, bơngă pin dờn ală lơgar bơh Dà lơgar dê, lơh geh bơta gơn kơnờm pa ai bơtàu tơnguh lơh sa- mpồl bơtiàn, is ồn gơwèt mờ Phú Quốc, càr An Giang mờ tiah ring dà dờng Cửu Long.

Bè broă lơh rcang tơngume Pơrjum kấp dờng APEC nam 2027, Phó Thủ tướng Duh broă sùm đơs sùm do là kơnòl broă is ồn kwơ màng, mơkung đơs sùm, jơnau kờñ uă ngan rlau jơh là bơyai lơh geh cồng nha dùl nam APEC cèng uă tềl lời wơl Việt Nam, tă pơgồp uă ngan ai ring lơngai, lơh broă bal mờ bơtàu tơnguh tàm tiah câu Á- Thái Bình Dương mờ tàm dunia.