Jăt jơnau yal tàm pơrjum, nam 2024, lơh sa mpồl bơtiàn càr Dăk Lăk dê neh lơh geh ală cồng nha niam, geh 12 tàm 16 jơnau kờñ neh lơh geh mờ sơrlèt broă rơndăp geh ai.

Khà gơguh lơh sa bŭ lah ờ hềt di jăt jơnau kơ̆p kờñ, mơya broă lơh sa pơn jăt tai geh sùm tàm bơta bơtàu tơnguh niam, kờp jơh khà phan geh lơh tàm càr (GRDP) gơguh mờr 20% pơn ndrờm mờ nam lài. Broă lơh broă sa mpồl bơtiàn kơl jăp. Tơnguh uă nùs nhơm geh kơnòl, ngui broă làng bol lơh tờm, tàm pơrjum lồi nam do, Mpồl duh broă Đảng ƀộ càr Dăk Lăk tơrgùm cri bơyai, ring bal ală kơnòl broă tờm tàm nam 2025, gàr geh niam, geh cồng nha mờ di pal mờ bơta tàm mùl màl, tàm hơ̆ uă ngan là broă lơh jăt broă rơndăp wơl niam mpồl lơh broă di jăt jơnau sồr bơh Dà lơgar dê.