Dơ̆ yal ală mpồl lơh sa kă bro Kơ̆ kơl jăp tàm lơgar Việt Nam nam 2024 mờ tơngume “Mpồl lơh sa kă bro brồ guh tàm rài tơlir” geh Mpồl duh broă mpồl lơh sa kă bro tài bơh bơta bơtàu tơnguh kơ̆ kơl jăp Việt Nam gơwèt Ală mpồl Kă bro phan mờ Lơh sa mờ măi mok Việt Nam (VCCI) bơyai lơh tàm mang ngai 29/11 tàm Hà Nội. Tàm broă lơh 100 mpồl lơh sa kă bro kơ̆ kơl jap pơn rơ jak tàm jơh gah lơh sa mờ kă bro phan- drơng broă geh jờng rơ.

Đơs tàm dơ̆ yal, Củ tịc VCCI, Kwang atbồ Mpồl Sồr lơh broă lơh mpồl lơh sa kă bro kơ̆ kơl jăp tàm lơgar Việt Nam (CSI) ồng Phạm Tấn Công pà gĭt, cồng nha lòt sền bơh VCCI dê gơwèt mờ ală mpồl lơh sa kă bro geh jờng rơ kơ̆ kơl jăp bơh Broă lơh CSI tàm mờr 10 nam do neh lơh cơng tàng, ală mpồl lơh sa kă bro jơh nùs lơh jat broă lơh lơh sa kă bro, kơ̆ kơl jăp, gơ dờp tềng đap ală bơta lòng mờ gĭt ală tŭ tơngai niam gam geh pờ geh bơh broă lơh tam gơl tơlir, tam gơl sồ bơh mpồl lơh sa kă bro dê. Nam do broă lơh gơ hòi gơ jà mờr 500 mpồl lơh sa kă bro tàm jơh gùt lơgar, lơh broă tàm jơh ală gah, gah broă. Tàm dơ̆ yal, Mpồl bơyai lơh Broă lơh jờng rơ 100 mpồl lơh sa kă bro kơ̆ kơl jăp pơn rơ jak tàm jơh bal gah lơh sa mờ kă bro phan- drơng broă. Tàm hơ̆, mpồl 10 mpồl lơh sa kă bro kơ̆ kơl jap dờp khà 50% mpồl lơh sa kă bro tàm lơgar mờ 50% mpồl lơh sa kă bro geh priă bơcri bơh lơgar ndai.