Drim òr (10/12), Mpồl Lùp sền Anih duh broă Jơi bơtiàn geh ồng Võ Văn Bảy, Kwang atbồ Lùp sền Anih duh broă Làng bol lam bồ mpồl kwang bàng neh geh dơ̆ lơh broă mờ Anih duh broă Làng bol càr Dăk Lăk nàng ring bal jơnau rơcang cih Đơs pơn dŭt lùp sền broă lơh jăt Jơnau kờñ dà lơgar bơtàu tơnguh lơh sa mpồl bơtiàn tiah làng bol jơi bơtiàn ờ gal cau mờ tiah kơh bơnơm tơngai bơh nam 2021 tus 2030, tơngai sơnrờp: bơh nam 2021 tus 2025 (gam sơnđan là Broă lơh 1719) tàm càr Dăk Lăk.

Jăt jơnau rơcang cih jơnau đơs pơn dŭt dê, broă lơh 1719 tàm càr Dăk Lăk neh geh lơh niam, geh uă cồng nha di pal tàm broă dong kờl làng bol jơi bơtiàn ờ gal cau, tơnguh phan bơna mờ tơnguh rài kis làng bol in. Iăt ală jơnau đơs bơh Mpồl lùp sền Anih duh broă Jơi bơtiàn dê, mò H’ Yim Kdoh, Phó Củ tịc Anih duh broă Làng bol càr Dăk Lăk ưn ngài mpồl lùp sền neh ai tơngŏ ală broă mờ càr ờ hềt lơh geh, gùng dà bơsong tàm tơngai tus. Mờ Phó Củ tịc Anih duh broă Làng bol càr Dăk Lăk đơs nền, tàm tơngai tus rơ̆p lơh pràn rơlao tai tàm broă lơh jăt ală Rơndăp broă lơh bơh Broă lơh 1719 tàm càr dê.