Jơnau lơh nền do geh ngui bơh ngai 19 nhai 3. Đơs tàm dơ̆ jào kơnòl broă, ồng Lương Nguyễn Minh Triết, Ƀí thư Tỉñ ủy càr Dăk Lăk đơs niam ồng Đỗ Hữu Huy là kwang bàng geh broă lơh mờng chài mùl màl uă bơta, neh geh tŭ dờp kơnòl broă kwơ màng tàm gah lơh sa mờ atbồ càr.

Broă ntrờn, tam pà broă dơ̆ do nàng di pal mờ jơnau kờñ đơng lam, lam lơh tàm bơta càr pal tơnguh pràn, lơh ngan lơh geh jơnau kờñ gơguh lơh sa bàr sồ mờ bồ tơngoh, broă lơh pa mờ lơh pràn rơlao. Dờp kơnòl broă, ồng Đỗ Hữu Huy tơlik nùs nhơm lơh ngan nàng bal mờ mpồl đơng lam bơ̆t bơtàu mpồl kwang bàng lơh broă tam klăc bal, lơh broă pràn, ai cồng nha drơng broă làng bol mờ mpồl lơh sa kă bro lơh phan was. Ồng kung ai gŏ loh làng ală kơnòl broă tờm tàm tơngai tus.