Tàm dơ̆ wă, Phó Củ tịc lơgar mò Võ Thị Ánh Xuân đơs nền tai lơgar Việt Nam sùm sền dờng màng bơta gĭt gơ̆p lơh broă bal kwơ màng mờ lơgar Đức, chờ hờp sền gŏ mờr 50 nam lơh bơta gĭt gơ̆p cribơyai broă mờ lơgar ndai, bơta gĭt gơ̆p đah 2 lơgar sùm bơtàu tơnguh mờ rề ơnàng tàm uă gah broă.

Bàr gah ring bal pơgồp bal niam lam lơh ală broă lơh tơngkah kir sơnrai 50 nam ngai lơh bơta gĭt gơ̆p lơh broă bal Việt Nam mờ Đức (23/9/1975 - 23/9/2025), tàm hơ̆, geh broă tàm pơgơl mpồl kwang bàng ală kấp, lam lơh ală broă lơh tìp mat lơh kwèng niam chài- làng bol, nàng kờñ sơlơ tơnguh tai bơta gĭt wă bal mờ gơ̆p mờ bơta lơh bơyô bal đah làng bol Việt Nam mờ ƀang Hessen.