Tàm pơrjum bơyai, bàr gah tơlik nùs nhơm chờ hờp bè bơta gĭt gơ̆p lơh bơyô bal dờng ơnàng ngan, nùs nhơm tam klăc bal is ồn mờ lơh broă bal tơl làm đah Việt Nam mờ Lào ngai sơlơ gơlòt mŭt ngan ngồn tàm uă broă, cèng wơl bơta kwơ geh ngan ai làng bol bàr lơgar in; jờng rơ ngan lơh broă bal kơ̆ kơl jăp, geh cồng nha đah bàr Ƀộ Cribơyai broă mờ lơgar ndai dê tàm tơngai do.

Bè gùng dà broă lơh tàm tơngai tus, bàr gah dồ nùs bal pơn jăt tai rơcăng niam ai dơ̆ tìp kwang đơng lam bồ kâp dờng pe lơgar: Việt Nam- Lào mờ Campuchia in, Dơ̆ pơrjum dơ̆ 47 Anih duh broă ală Cíñ phủ 2 lơgar mờ Tàm lùp Cíñ trị kâp Ƀộ trưởng Ƀộ Cribơyai broă mờ lơgar ndai đah Việt Nam mờ Lào dơ̆ 11. Phó Thủ tướng, Ƀộ trưởng Ƀộ Cribơyai broă mờ lơgar ndai ồng Bùi Thanh Sơn sồr 2 gah pơn jăt tai pơgồp bal niam mờ dong kờl bal mờ gơ̆p tàm ală cribơyai ală lơgar mờ kơnhoàl ù tiah do; sơlơ tam pà bal nùs bè ală broă ală lơgar mờ kơnhoàl ù tiah do sền gròi bal.