Tàm dơ̆ tìp, Phó Thủ tướng Cíñ phủ ồng Bùi Thanh Sơn đơs nền, Việt Nam sùm sền dờng màng bơtàu tơngguh gĭt gơ̆p mờ lơgar Lo; jờng rơ gùng dà bơtàu tơngguh niam ngan mờ ală cồng nha kwơmàng bơh gĭt gơ̆p bàr Đảng, bàr lơgar dê tơngai do.

Phó Củ tịc lơgar Lo ồng Hàn Chính jờng rơ Phó Thủ tướng Cíñ phủ ồng Bùi Thanh Sơn còp lơgar Lo, đơng lam Dơ̆ pơrjum dơ̆ 16 Anih duh broă sồr lơh broă bal 2 gah; đơs nền Lo sền dờng màng ngan gĭt gơ̆p tam klăc lơh broă bal jŏ jòng tơl làm, Mpồl bơtiàn tam pà tơnơ̆ do geh gơtha jŏ jòng mờ lơgar Việt Nam, sùm sền do là gùng dà ai lài tàm broă lơh cribơyai broă mờ lơgar ndai lơgar ơm rềp bal bơh Lo dê, kờñ Việt Nam mŭt lơh broă lơh Tam gơl pa, lơh sa mờ măy mŏk, lơh sa măy mŏk lơh jơh lơm dà lơgar dê, bơ̆t bơtàu gơtùi củ nghĩa xã hội. Tơngai tus, 2 gah dồ nùs bal sơlơ sồr ală kâp, ală gah, ală tiah 2 lơgar dê pơgồp kơ̆ kơl jăp, jơh nùs lam lơh ală jơnau ring bal mờ gĭt wă bal kwang bàng kâp dờng dê, pơgồp bơnah lơh jrô ơnàng rlau tai gĭt gơ̆p Tam klăc lơh broă bal jŏ jòng tơl làm, Mpồl bơtiàn tam pà tơnơ̆ do Việt Nam mờ Lo geh gơtha jŏ jòng.