Do là pơrjum dờng sơn rờp mơkung là pơrjum dờng tơrlòng lài bơh càr Lâm Đồng dê, geh pờ tơlik tàm internet bal mờ 123 sàh, sơnah ƀòn, tiah is ồn tàm càr dê. Đảng ƀộ sàh Đơn Dương geh tơng gơs jat tàm ală bơta tơmŭt bal Đảng ƀộ ală sàh Dà Ròn, Tu Tra mờ ƀòn drà dềt Thạnh Mỹ, mờ kờp jơh mờr 1 rơbô 200 nă đảng viên.

Pơrjum dờng neh cribơyai mờ ai tơlik jơnau lơh nền ngan ngồn gùng dà broă lơh, jơnau kờñ, kơnòl broă, broă lơh tờm tàm tơngai lơh broă tus, jơh nùs bơt bơtàu sàh Đơn Dương bơtàu tơnguh tơl làm, kơ̆ kơl jăp jŏ jòng. Jơnau kờñ ai priă lơh geh kờp bal tơl nă cau tus lồi tơngai lơh broă lơh geh mờr 100 tơlak đong dùl nam; hìu bơnhă rƀah gam hơđơm 0,2%.

Đơs tàm pơrjum, Phó Thủ tướng ồng Nguyễn Hoà Bình đơs nền, gùng dà broă lơh lời tĕ kấp kơnhoàl, tơmŭt bal kấp sàh đơs bal là gùng dà broă lơh nền dờng, geh bơta jŏ jòng kwơ màng bơh Dà lơgar dê. Đơn Dương gam ơm tềng đăp dùl bơta sơnđờm pa, dùl tŭ tơngai pa. Phó Thủ tướng pin dờn, Đảng ƀộ, gơnoar atbồ mờ làng bol ală jơi bơtiàn sàh Đơn Dương rơ̆p lơh jat tus geh Jơnau lơh nền tàm pơrjum dờng, bơt bơtàu Đơn Dương gơ gơs dùl bơta àng ƀòn lơgar pa lam lài tàm càr Lâm Đồng dê.