Đơs pơndŭt tàm pơrjum, Thủ tướng ồng Phạm Minh Chính yal wơl cồng nha neh lơh geh tàm bơtàu tơnguh lơh sa- mpồl bơtiàn bơh kơnhoàl, ù tiah, Thủ tướng jờng rơ ƀòn dờng Hồ Chí Minh, Bình Dương, Bà Rịa -Vũng Tàu, Đồng Nai… neh lơh geh ală cồng nha kwơ màng pơgồp bơnah tàm bơta bơtàu tơnguh bal bơh Dà lơgar dê. Thủ tướng sồr tàm tơngai tus GDP bơh jơh gùt kơnhoàl ù tiah pal lơh geh rlau 7%, uă rlau gùt lơgar dê.

Nam 2025, Thủ tướng sồr kơnhoàl ù tiah lơh lài ai gơguh lơh sa, lơh ngan gơguh 2 nơm sồ, tài bơh jat Thủ tướng geh gơguh gơtùi den broă lơh sa dờng hơ̆ sồng gơguh geh, hơ̆ sồng tam gơl geh cồng nha lơh broă, hơ̆ sồng geh priă jền nàng bơcri priă ai bơtàu tơnguh, hơ̆ sồng gàr niam geh lơngăp lơngai, sền gàr Dà lơgar, kơ̆ kơl jap cíñ trị, bơtàu tơnguh rài kis phan bơna ai làng bol in.