Tàm pơrjum drim ngai 25 nhai 11, Mpồl duh broă Dà lơgar neh pơgồp jơnau đơs bè kwang bàng nàng Ƀộ Cíñ trị lơh nền yal Quốk hội khoă XV in sền swì ring bal gơnoar broă Ƀộ trưởng Ƀộ Priă jền, Ƀộ trưởng Ƀộ Gùng lòt rê jun pơn diang; pồ Kwang geh jơng tàm Anih duh broă Lơh kơnòl broă sùm Quốk hội, Kwang gơnoar cih dờng Quốk hội, Kwang atbồ Cơl dŭ lơh broă Quôk hội.

Jăt jơnau geh ai, Anih duh broă Lơh kơnòl broă sùm Quốk hội yal khà kwang bàng sồr pồ nàng Quốk hội pồ Kwang geh jơng tàm Anih duh broă Lơh kơnòl broă sùm Quốk hội, Kwang gơnoar cih dờng Quốk hội; Thủ tướng Cíñ phủ yal khà măt nàng Quốk hội sền swì ring bal pồ ƀộ trưởng. Tơnơ̆ tŭ ring bal khà măt, cribơyai tàm mpồl, Quốk hội đùh sră ndơ̆p nàng lơh nền pồ tơl ală gơnoar broă do.