Đơs 12 mpồl kơnòl broă, broă lơh tờm tàm tơngai tus, Thủ tướng ồng Lê Minh Hưng sồr ring bal bồ tơngoh kơlôi sơnơng, bơta gĭt wă, bơta kơ̆p kờñ mờ lơh broă nàng lơh jat jơnau kờñ gơguh lơh sa “2 nơm khà”, tàm hơ̆ is ồn đơs sùm broă hòi jà tơrgùm bal mờ ngui geh cồng nha tơl priă jền ai bơtàu tơnguh in; pơnđơl pràn lơh ngan lùp dia dà lơgar gơguh 10%; tềm pềr rlau 10% tă ngui sùm; mơkung tơrgùm tă bơsong mhar, tơn jơh bơta kòl yan ai ală rơndăp broă lơh gam gơ kòl jŏ jòng gơrềng tus ù tiah, năng lượng bơh tàm ală ngai bồ tơngai lơh broă Cíñ phủ pa dê.

Tàm nhai 4, lơh sir broă kờp sền, bơtơl mờ jàu jơnau kờñ gơguh tai tàm tơl gah ai ală tiah in, tập đoàn, mpồl lơh sa kă bro dà lơgar nam 2026 mờ tơngai bơh nam 2026 - 2030. Thủ tướng đơs loh, tàm nam 2026 rơ̆p kờp jơh uă ngan ală adat boh lam mờ lơh broă lơh kwơ màng ală adat boh lam Việt Nam dê tàm tơngai pa, lơh gơ gơs adat boh lam ală broă lơh, broă dong kờl krơi is tàm ală tiah geh đơs là di nàng ngui tàm gùt lơgar in.