Củ tịc mò Bùi Thị Minh Hoài pà git, bơh bồ nam 2026, bơta git gơp đah Việt Nam mờ Campuchia pơn jat tai bơtàu tơnguh niam ngan, mờ uă dơ̆ lòt còp, tìp mat kâp dờng, ngan là đah đơng lam bàr Đảng mờ pe lơgar Việt Nam – Campuchia – Lào, pơgồp bơnah sơlơ tơnguh bơta pin dờn cíñ trị, gàr kơ̆ lơh broă bal jŏ jòng.

Tàm dơ̆ pơrjum bơyai, 2 gah ring bal pơn jat tai chồl pràn pơgồp bal, sơlơ tơnguh tìp mat lơh kwèng làng bol, ngan là ơruh pơnu, cau ùr, cau geh bồ tơngoh bơsram sră; chồl tơnguh lơh broă bal tiah nhàr lơgar; pơgồp bal lam lơh Pơrjum ală lơgar bơt bơtàu gùng nhàr lơgar ring lơngai, lơh bơyô, lơh broă bal, bal mờ gơp bơtàu tơnguh dơ̆ 7 tàm lơgar Campuchia nam 2026, wèt tus tơngkah kir sơnrai 60 nam Ngai crơng gơs bơta git gơp cribơyai broă mờ lơgar ndai 2 lơgar, mờ kung sồr lơh gơlik bơta ƀuơn ai mpồl bơtiàn cau jơi Việt Nam tàm Campuchia gàr kơ̆ rài kis.