Rơndăp broă lơh geh bơta pràn lòt mhar rơndăp lơh lòt mhar ngan rlau jơh là 350 kơi sồ dùl jiơ, tơn rŭc lơyah tŭ lòt ntrờn gơmù pơgăp 23 phuk, mhar tus 5, 7 dơ̆ tŭ do. Broă lơh bơ̆t bơtàu do bơh Vingroup (bơh Kông ty Tă pơgồp bal priă Bơcri mờ Bơtàu tơngguh Gùng rơndeh ồs lòt mhar VinSpeed) lơh cau tờm bơcri priă, kờp jơh priă rlau 147 rbô tơmàn đong (rlau 5,6 tơmàn dolar Mỹ, ờ hềt geh sờr ntrờn măt ù).

Gơl gùng digơlan ngui măy mŏk, mpồl rơndeh ồs mờ ală măy yal sơñio pa bơh Siemens Mobility lơh gơlik, geh bal tàm jàu măy mŏk tàm tŭ ngui. Là gơl gùng rơndeh lòt mhar tàm tơrbŏ ală tiah bơh sơnrờp, rơndăp broă lơh geh kơ̆p gơn lơh gơlik gơn kơnờm gơguh tai ai tiah lơh sa tờm kwơmàng tiah ring đah Tô in, pờ gơlik broă tam gơl bè phan bơna bơ̆t bơtàu gùng lòt pa, pơgồp bơnah tơngguh uă pràn jak tàm pơrlòng dà lơgar.