Đơs tàm pơrjum, Thủ tướng ồng Phạm Minh Chính neh đơs bè kah yau bơta gĭt gơ̆p Việt Nam mờ Mỹ, Thủ tướng pà gĭt, ồng chờ hờp ngan tŭ bơta gĭt gơ̆p Việt Nam mờ Mỹ ngai sơlơ bơtàu tơnguh niam bơnĕ, tàm hơ̆ geh bơta tă pơgồp bal bơh ală mpồl lơh sa kă bro lơgar Mỹ dê.

 Jat Thủ tướng, Việt Nam pơn jat tai lơh pràn tam gơl pa tiah lơh sa kă bro jat gùng dà broă lơh dong kờl kơ̆ kơl jăp, ngai sơlơ niam rlau tai, song dơ pă, rơ hời tus bal mờ kơrnoat boh lam ală lơgar, lơh ngan rcang ală bơta mờ lơh geh bơta ƀuơn ai ală cau bơcri priă ală lơgar in, tàm hơ̆ geh ală mpồl lơh sa kă bro lơgar Mỹ; sồr lơgar Mỹ tơn jơh bàr pe bơta kơryan, ờ ai gơwèt mờ lơgar Việt Nam, gờñ dờp kơrnoat boh lam lơh sa drà kă bro bơh lơgar Việt Nam dê, lơh geh ală bơta ai 2 lơgar, mpồl lơh sa kă bro 2 lơgar lơh broă bal bơtàu tơnguh, tài bơh kwơ bal bơh 2 lơgar, làng bol 2 lơgar dê.