Bàr gah neh cribơyai, ring bal uă broă rơndap lơh tă bơsong bơta kal ke, chồl tơnguh lơh broă bal tơl làm, wèt tus tơnguh gơnoar broă bơta git gơp Việt Nam – Nga jat gùng dà ngan ngồn, geh cồng nha, kơnhăp jŏ, tài bơta kuơ làng bol 2 lơgar mờ ring lơngai, kơ̆ kơljap tiah do mờ dunia dê. 

Bàr Thủ tướng đơs niam bơta pơn đơl lam bơta git gơp lơh broă bal lơh sa, kă bro phan, bơcri priă gơ gơs gah tờm, lam lơh jat geh cồng nha Jơnau kĭ hơ kă bro phan khat gơboh đah Việt Nam mờ Mpồl tam klac lơh sa câu Á – câu Âu, rề ơnàng drà kă bro ai phan bơna in, chồl tơnguh lơh broă bal 2 gah. Bal mờ hơ̆, 2 gah ring bal kơlôi sơnơng rề ơnàng lơh broă bal tàm ală gah năng lượng pa, năng lượng sàng goh, năng lượng lơh geh wơl. Pal sền gròi là 2 nă kwang đơng lam bồ jờng rơ broă kĭ Jơnau kĭ hơ lơh broă bal lơh Hìu măi đèng hạt ñân tàm Việt Nam, lơh gơlik gùng dà lơh broă bal kuơmàng pa đah 2 lơgar.