Đơs tàm broă lơh, Ƀộ trưởng Ƀộ Lơh sa mờ măi mok mờ Kă bro phan ồng Nguyễn Hồng Diên đơs sùm, logistics là gah drơng broă geh pơn yơu bè ală “gùng mhàm” bơh rài lơh sa dê, geh gơnoar broă kwơ màng tàm tàm tơrbŏ bal, dong kờl mpồl lơh sa kă bro, anih lơh gơlik phan tơrmù priă tă, tơrmù giă phan bơna, tơnguh uă bơta pràn jak tàm pơrlòng, sơlơ tơnguh tai bơtàu tơnguh lơh sa - mpồl bơtiàn.

Tàm cribơyai, ală cau gĭt wă jrô broă lơh neh yal ală jơnau cih tă pơgồp bal geh gơrềng tus gah logistics, bè: bơta ƀuơn, bơta pràn bơt bơtàu mờ bơtàu tơnguh tiah kă bro phan khat gơboh pơgồp bal mờ anih ơhò ơm dà lềng tàm Bà Rịa- Vũng Tàu; Gùng lòt brồ guh tus dà lềng dờng: ală mpồl pa lơh broă gùng dà lềng Việt Nam tàm tơrbŏ bal mờ ală tiah kă bro phan khat gơboh; Jat ngui măi mok mờ broă lơh priă jền tàm broă mut ngui tiah kă bro phan khat gơboh mờ sơlơ tơnguh tai bơtàu tơnguh logistics; Gùng dà broă lơh bơh logistics kă bro phan điện tử gan tiah nhàr lơgar mờ ală gùng lòt ai lơgar Việt Nam dê.