Rơndăp broă lơh ƀlàng rơndeh par Gia Bình là broă lơh bơ̆t bơtàu kwơmàng bè lơgăp lơngai- sền gàr dà lơgar, drơng geh cồng nha broă lơh đơng lam, sồr lơh bơh mpồl Kwang àng làng bol dê. Rơndăp broă lơh geh lơh dờng is ồn ngan, geh anih tờm rơndăp ù tiah, rơndăp lơh mùl gŏ is, tơnggŏ bơta dipal, jak chài, pa ngan bơh mpồl Kwang àng làng bol dê đơs bal, mpồl Kảñ sát ntrờn làm bă tiah dê đơs is. Is ồn là broă lơh bơ̆t bơtàu geh gơtha kah yau, lơh jăt ngan ngồn Jơnau lơh nền tàm pơrjum sồ 12 bơh Ƀộ Cíñ trị dê, lơh tềl tŭ tơngai ai mpồl Kảñ sát ntrờn làm bă tiah guh tus tơn pa ngan.

Đơs tàm dơ̆ lơh broă do, Thủ tướng ồng Phạm Minh Chính đơs sùm, kwang àng làng bol là mpồl cau tờm tàm lơh jăt kơnòl broă sền gàr lơngăp lơngai dà lơgar, gàr bơta rơndăp tăp sèng, lơngăp lơngai jơh gùt mpồl bơtiàn, tam dră rơcăng lài, dră wơl cau lơh tìs mờ ală lơh tìs adăt boh lam bè lơngăp lơngai dà lơgar, rơndăp tăp sèng, lơngăp lơngai jơh gùt mpồl bơtiàn. Tàm bơta pa, bơ̆t bơtàu ƀlàng rơndeh par Gia Bình hơ̆ là dồ bơnah lơh geh jơnau sồr bơ̆t bơtàu mpồl kwang àng gơguh jak, pa ngan tàm bơta pa mờ pal bơ̆t bơtàu ƀlàng rơndeh par Gia Bình jăt gùng dà geh ngui dơ̆ lĕ bal. Thủ tướng sồr Ƀộ Kwang àng lơh bal mờ nùs nhơm 3 ngan: lơh mhar ngan rlau jơh, niam ngan rlau jơh, giă lơh gơs ờ kas ngan rlau jơh mờ tàm pơgăp 18 nhai pal lơh sir jơh rơndăp broă lơh.