Đơs tàm dơ̆ bơyai lơh, ala măt Cíñ phủ, Thủ tướng ồng Phạm Minh Chính sơnđio loh, sơnđờm mŭt lơh broă bơceh lơh kờñ pal geh bơta sơmbăt tê bal, dồ nùs bal bơh jơh ală anih lơh broă cíñ trị, bơh jơh bal mpồl bơtiàn, làng bol, mpồl lơh sa kă bro dê; pal ai làng bol, mpồl lơh sa kă bro là tờm, là cau tờm, là jơnau kờñ, là bơta gơn kơnờm mờ là bơta pràn tờm ngan, is ồn là ai lài, dong kờl rơnàng kơnòm să. Sơnđờm mŭt lơh broă bơceh lơh kờñ pal khin kơlôi, khin lơh, khin dờp rềs àr gơ aniai, khin lơh lài, khin lơh broă, sơrlèt is să tờm, ơn pơdơng să tài bơta kwơ dà lơgar, jơi bơtiàn, tài rài tơnơ̆ àng sơrdah bơh dà lơgar dê tàm hơ̆ geh bơta kwơ bơh he dê.

Thủ tướng ồng Phạm Minh Chính đơs sùm, sơnđờm mŭt lơh broă, tam gơl pa bơceh lơh là dồ bơta gơn kơnờm mờ bơta pràn kwơmàng tàm bơta bơtàu tơngguh kơ̆ kơl jăp. Sơnđờm mŭt lơh broă kờñ bơta hàm kờñ, bơta jơh nùs lơh ngan, nùs kơ̆ dơn mờ bơta khin cha sơrlèt kal ke, bơta lòng nàng wèt tus cồng nha.