Tàm dơ̆ wă, Thủ tướng ồng Phạm Minh Chính đơs niam ală broă lơh, lơh broă bal kă bro geh cồng nha bơh Kes priă bơcri mờ ală mpồl lơh broă bal lơgar Việt Nam dê, tàm hơ̆ geh mpồl lơh sa kă bro dà lơgar mờ mpồl lơh sa kă bro cau dùl nă să lơh is. Sồr Kes priă bơcri tơn dong kờl priă ai lơgar Việt Nam in, pơn jăt tai bơcri priă tàm lơgar Việt Nam mờ khà uă rơlao, ơnàng rơlao, ngui geh cồng nha rơlao.

Kwang lam bồ dờng Kes priă bơcri Warburg Pincus đơs nền ală mpồl lơh sa kă bro lơgar Mỹ sền lơgar Việt Nam là lơgar lơh broă pin dờn ngan mờ pin dờn tàm bơta geh, bơta pràn jŏ jòng lơgar Việt Nam dê; tŭ lơi kung rơcang pơlam, kờñ bal ai geh gùng dà broă lơh mờ geh kwơ bè dia đah bàr lơgar Việt Nam mờ Mỹ; mờ rơ̆p pơn jăt tai lam sồr pràn kơl dang ală gah lơh broă bal ndai bè bơta pràn bơtàu tơnguh lơgar Việt Nam dê; tus pơgồp bal tàm bơta git gơ̆p đah lơgar Việt Nam mờ lơgar Mỹ.