Thủ tướng Cíñ phủ đơs là, broă ală mpồl lơh sa kă bro lơgar Lo ai tơl bơta ală broă lơh lơh broă bal, bơcri priă tàm lơgar Việt Nam in rơ̆p pơgồp bơnah lơh jăt ngan ngồn, geh kwơ ngan lam lơh jăt jơnau ring bal bơh kwang đơng lam bồ kâp dờng 2 lơgar dê, lơh jrô ơnàng gĭt gơ̆p Tam klăc lơh broă bal jŏ jòng tơl làm đah Việt Nam mờ Lo, bơ̆t bơtàu Mpồl bơtiàn tam pà bal rài tơnơ̆ do Việt Nam mờ Lo geh bơta kwơ jŏ jòng, kung bè tă pơgồp tàm bơta bơtàu tơngguh bơh jơh bal bàr dà lơgar Việt Nam mờ Lo dê.

Cíñ phủ Việt Nam sùm hòi jà ală mpồl lơh sa kă bro lơgar Lo dê rề ơnàng lơh broă bal bơcri priă tàm ală broă mờ lơgar Lo geh bơta pràn, Việt Nam geh jơnau kờñ mờ ai lài uă, bè: Bơtàu tơngguh phan bơna, ngan là phan bơna gùng lòt rê, tam gơl pa bơceh lơh, ală gah pa pơnrơ gơrềng tus bồ tơnggoh jak kòn bơnus dê lơh is, bơtàu tơngguh tơlir, năng lượng lơh geh wơl, phan bơna tiah drà ngăc ngar, lơh sa mờ măy mŏk lơh mòn bơta niam uă.