Tổng Ƀí thư, Củ tịc lơgar ồng Tô Lâm jờng rơ ală cồng nha lơh geh bơh ling klàng dê, cồng nha lơh geh is ồn jak chài ngan bơh mpồl phàu crong Ling tiah do dê tàm rlau 80 nam do, mơkung đơs wih đơs wơl, gơ wèt mờ Ling tiah 1, ƀòn lơgar nhàr lơgar ơnàng, ƀòn lơgar ờ ƀươn soh, uă jơi bơtiàn ơm kis bal.

Tổng Ƀí thư, Củ tịc lơgar ồng Tô Lâm sồr, Ling tiah 1 tơrgùm lơh jăt niam 5 kơnòl broă tờm kwơmàng, tàm hơ̆ pal pơn jăt tai bơsram kơlôi sơnơng jrô gùng dà, nùs nhơm Đảng dê bè broă ling klàng, sền gàr dà lơgar, sền gàr Lơgar tờm tàm bơta pa; gĭt nền ƀòn lơgar, yal lài gờñ, đơs di broă gơlik geh, tă pơgồp jơnau đơs di tŭ, bañ lời gơtìp rơmơ̆p ndơl tàm khăt jơnau lơi digơlan gơlik geh. Bơ̆t bơtàu kơnhoàl ù tiah rơcăng gàr lài tàm ƀòn lơgar Ling tiah dê ngai sơlơ kơ̆ kơnhăp; pơgồp bal kơnhăp sền gàr dà lơgar mờ lơngăp lơngai, lơh broă mờ lơgar ndai mờ bơtàu tơngguh lơh sa – mpồl bơtiàn; gàr kơ̆ gơnoar tờm, nhàr lơgar, gàr lơngăp lơngai ƀòn lơgar, gàr kơnhăp nùs nhơm làng bol bơh gờñ, bơh ngai, bơh kâp hơđơm.