Do là dùl tàm ală Hìu prap gàr phan kwơ Jơnau kah yau Ling klàng dờng mờ jŏ rài ngan rlau jơh tàm Việt Nam, mờ gơnoar broă kwơ màng tàm broă prap gàr mờ ngui niam ală bơta kwơ Jơnau kah yau Ling klàng bơh jơi bơtiàn dê. Bơh nam 2020, Ƀộ Ling klàng neh lam lơh bơt bơtàu Hìu prap phan kwơ yau Jơnau kah  yau Ling klàng Việt Nam pa tàm bă ù ơnàng mờr 39 lồ tàm ù tiah quận Nam Từ Liêm, Hà Nội; tus tŭ do sền bal lơh sir tơngai dơ̆ 1 mờ ngan ngồn pờ mpồng wă rò năc tus sền.

Đơs tàm dơ̆ lơh broă, Tổng Ƀí thư tơngŏ bơta niam ngan bè ù tiah Hìu prap gàr phan kwơ yau bal mờ ală phan li la uă ngan, tơngŏ niam ngan bơta dờng pràn bơh Mpồl ling klàng làng bol Việt Nam khin cha jak chài dê. Đơs sùm, do ngan là ù tiah kwơ màng nàng bơsram, kơlôi sơnơng pơgồp bal mờ broă lơh sền gàr Dà lơgar khin cha jak chài ngan bơh bèp ồng bol he dê, ngan là ală jơnau sồr lơh jak chài ngan bơh Đảng he dê tàm tơl tơngai bơtàu tơnguh Dà lơgar, Tổng Ƀí thư kung sồr ală Ƀộ, gah broă, ală tiah mờ ƀòn dờng Hà Nội pơn jat tai lơh geh ală bơta ai Ƀộ Ling klàng in gờñ lơh sir ală bơta phan bơcri priă lơh tơngai dơ̆ 2 bơh Hìu ơn prap phan kwơ yau dê.