Drim òr (16/03), Tổng Ƀí thư ồng Tô Lâm lơh broă mờ Mpồl duh broă Đảng ƀộ ƀòn dờng Hải Phòng bè ală bơta bơtàu tơnguh lơh sa- mpồl bơtiàn mờ lam lơh Jơnau lơh nền tàm pơrjum bơh Pơrjum dờng dơ̆ XIV Đảng dê, jat hơ̆, sồr Hải Phòng tơnguh lơh niam broă lơh gơguh lơh sa jat tàm cồng nha lơh geh, jak chài măi mok mờ tam gơl pa bơceh lơh.

Đơs loh nùs nhơm, Jơnau lơh nền tàm pơrjum bơh Pơrjum dờng dơ̆ XIV Đảng dê, ală Jơnau lơh nền tàm pơrjum kwơ màng bơh Ƀộ Cíñ trị mờ jơnau kờñ gơguh lơh sa 2 nơm khà sồ pal geh lơh ngan ngồn gơ gơs broă lơh lơh broă niam ngan, ring bal, geh bơta tờm mờ đo was mờ cồng nha geh ngan, Tổng Ƀí thư sồr, broă lơh lơh broă bơh Hải Phòng dê kờñ pal geh lơh ngan ngồn rlau tai, bal mờ ală tŭ tơngai, gàr niam loh cau, loh broă, loh tŭ tơngai, loh gơnăp gơnoar, loh kơnòl, loh phan bơna, pơgồp bal mờ broă lơh lòt sền, jat sền mờ sền sơ wì pah dơ̆ nàng di tŭ tam gơl niam tŭ kờñ pal geh.

Tổng Ƀí thư ồng Tô Lâm đơs sùm, Hải Phòng pal lơh geh bơta tam gơl pràn tàm bơta bơtàu tơnguh lơh sa mờ măi mok tàm tơngai pa dê, tờm ngan là lơh sa mờ măi mok ngui măi mok pa, lơh gơlik phan mòn lơh mờ lơh sa mờ măi mok dong kờl geh bơta kwơ gơguh uă, lơh geh mpồl lơh sa mờ măi mok gơguh jak, bơh bơta sac rơwah cồng nha cau bơcri priă, măi mok mờ ală broă lơh kwơ màng.