Đơs tàm dơ̆ tìp măt, Tổng Ƀí thư ồng Tô Lâm đơs nền, rơ̆p lơh ngan jơh pràn he dê, lơh sir gơ in niam ngan kơnòl broă bơh cau Ala măt Làng bol Càr lơgar dê, nàng dipal mờ bơta kơ̆p kơnờm mờ cau tĕ khà pin dờn. Bè broă lơh rơcăng lài, dră wơl sa kwề sa kwà, bơta ờ niam, pơhì pơhà, Tổng Ƀí thư ồng Tô Lâm đơs nền, kung gam pơn jăt tai lơh jăt kràñ cê jơh nùs, lơh jơh, is ồn tơnơ̆ tŭ Ƀộ Cíñ trị, Ƀan Ƀí thư lơh nền tai tơngume dră wơl pơhì pơhà tàm kơnòl broă bơh Mpồl Sồr lơh Dà lơgar bè rơcăng lài tam dră sa kwề sa kwà, bơta ờ niam.

Kung tàm dơ̆ tìp măt, Tổng Ƀí thư neh hơ ală jơnau sền gròi bơh cau tĕ khà dê, mơkung sồr Mpồl Cau ala măt Quôk hội ƀòn dờng Hà Nội pơgồp bal mờ ală anih lơh broă bơh ƀòn dờng dê cih dờp jơh ală jơnau đơs bơh cau tĕ khà dê, kờp sền wơl nền nòn ală tơnggume nàng sồr ală anih lơh broă geh gơnăp gơnoar bơh Dà lơgar mờ Quôk hội dê bơsong.