Tổng Ƀí thư đơs nền Đảng mờ Dà lơgar Việt Nam sùm ai lài uă bơta git gơ̆p lơh bơyô bal mờ lơgar Campuchia, kờñ lơgar Campuchia bơtàu tơnguh ring lơngai, kơl jăp, mờ lơh geh bơta ƀuơn nàng Mặt trận bàr lơgar lơh geh cồng nha ală jơnau ring bal, tơnguh broă pơgồp bal nền nòn.

Mò Men Sam An đơs nền lơgar Campuchia sùm sền lơgar Việt Nam là bơyô rềp bal đềt mềr niam, dờn song, tŭ lơi kung rơcang dong kờl bal tàm bơta kal ke, đơs nền rơ̆p pơgồp bal mờ Mặt trận Dà lơgar Việt Nam lơh pràn broă tìp măt làng bol, lơh broă bal niam chài, lơh sơnơm, bơto bơtê mờ bơsram, tàm hơ̆ uă ngan là đah ală càr tiah nhàr lơgar. Đơs niam khà năc lơgar Việt Nam tus lơgar Campuchia lòt nhơl gơguh uă, mò kung kơ̆p kờñ lơgar Việt Nam tam pà bal broă lơh mờng chài bơtàu tơnguh lòt nhơl tàm tơngai tus.