VOV bơyai lơh Cribơyai tam gơl sồ tàm tiah Dà lơgar
Thứ sáu, 10:32, 18/07/2025 Cau mblàng K’Hạnh/VOV Cau mblàng K’Hạnh/VOV
VOV4.K'Ho- Ngai 17/07, tàm Hà Nội geh bơyai lơh Cribơyai tam gơl sồ tàm tiah Dà lơgar- bơnàng jă bơtàu tơnguh lơh sa- mpồl bơtiàn bơh Ƀăo Điện tử Anih Jơnau đơs Việt Nam dê bơyai lơh.

Nàng kờñ lơh pràn ngan broă lơh tam gơl sồ tàm tiah Dà lơgar, pơgồp bơnah tơnguh uă cồng nha atbồ Dà lơgar, lơh pa ngan rài sră pơ àr gơnoar atbồ mờ lơh geh bơnàng jă ai bơtàu tơnguh lơh sa- mpồl bơtiàn, ngai 17/07, tàm Hà Nội geh bơyai lơh Cribơyai tam gơl sồ tàm tiah Dà lơgar- bơnàng jă bơtàu tơnguh lơh sa- mpồl bơtiàn bơh Ƀăo Điện tử Anih Jơnau đơs Việt Nam dê bơyai lơh. Tàm tơngai broă lơh kăc màng lơh sa mờ măi mok 4.0 gam geh bơyai lơh pràn ngan, tam gơl sồ gơ gơs bơta tờm ngan tàm broă lơh tơnguh uă cồng nha atbồ Dà lơgar dê, lơh ngan ngồn broă lơh sră pơ àr gơnoar atbồ mờ ai bơta bơtàu tơnguh lơh sa- mpồl bơtiàn. Broă ngui măi mok sồ mờ tàm tiah Dà lơgar ờ mìng lơh ngan ngồn broă lơh bơh ală anih lơh broă Dà lơgar dê lơm, mờ gam lơh geh ală bơta ƀuơn ngan ai mpồl lơh sa kă bro mờ làng bol in tus rềp mờ drơng broă Dà lơgar.

Tàm dơ̆ cribơyai, ồng Phạm Mạnh Hùng- Phó Kwang Lam bồ dờng Anih jơnau đơs Việt Nam đơs sùm, tam gơl sồ pờ geh tŭ tơngai niam ai broă tam gơl pràn brồ guh, gơ gơs dùl bơta gơn kơnờm pơgồp bơnah rơndăp tăp sèng wơl rài lơh sa, tam gơl gùng dà broă lơh, atbồ mpồl bơtiàn mờ tơnguh uă cồng nha drơng broă làng bol mờ mpồl lơh sa kă bro in. Is ồn tàm tiah Dà lơgar mờ gơnoar broă lam gùng gam ơm tềng đăp jơnau sồr pal tam gơl pa, lơh sồ ngan ngồn, gơ dờp lơh mhar khà bơtàu tơnguh lơh sa- mpồl bơtiàn.

Cau mblàng K’Hạnh/VOV

Viết bình luận

TIN CÙNG CHUYÊN MỤC