VOV4.K’ho - Mho òr (29/10), mpồl đơng lam dà lơgar bè broă rơcang sơndră mờ rềs àr bơh trồ tiah – Uỷ ban Dà lơgar sơndră mờ bơta aniai bơh trồ tiah mờ jòi dong klàs cau gơtìp rềs àr neh geh jơnau yal pơyoa tus UBND ală càr, [òn dờng bơh càr Thanh Hoá tus càr Bà Rịa - Vũng Tàu, ală càr Tây Nguyên mờ ală Bộ, gah lơh broă dà lơgar gơrềng bal bè broă lơh jăt ală broă sơndră mờ me mrềt, mìu càl dờng, mìu dà tih dà cò.

Tơnguh me jơnau yal đơs loh: Gơwèt mờ tàm dà lềng: Pơn jăt tai sền wơl, kờp sền ală plung, ơhò, yal di tu\ mờ bơto sồr ală plung, ơhò gam lơh broă tàm dà lềng ntrờn, pleh tus tàm tiah niam ờ do ờ dă.

Gơwèt mờ tiah kơh bơnơm, tiah chàr bơnơm: Sền wơl ală tiah di gơlan gơbàn dà cò uă, tơrlah ù, gơbam dà tu\ mìu sơr kờ` rơcang ntrờn, gàr niam ờ do ờ dă màng kis làng bol in.

Thường trực mpồl đơng lam Dà lơgar bè broă rơcang sơndră mờ rềs àr bơh trồ tiah bơyai lơh sền gròi nền nòn bơta gơbàn; di tu\ đơng lam, lam sồr mpồl đơng lam sơndră mờ rềs àr bơh trồ tiah mờ jòi dong klàs cau gơtìp rềs àr ală Bộ, gah lơh broă dà lơgar, ală càr, [òn dờng lơh jăt ală broă rơcang sơndră di pal mờ bơta gơbàn bơh me mrềt, mìu càl dờng, mìu dà tih dà cò.

Cau mblàng Ndong Brawl