VOV4.K’ho – Tus 0 jiơ ngai 01/4/2019, khà kờp làng bol lơgar he dê là rlau 96 tơlak nă cau (mùl màl là 96 tơlak 208 rbô 984 nă), Việt Nam là lơgar geh gal làng bol ơm dơ\ 15 tàm dunia mờ ơm dơ\ 3 tàm tiah Đông Nam Á, tơnơ\ Indonesia mờ Philippines. Do là jơnau yal geh đơs tàm Pơrjum pờ tơn tàm internet gùt lơgar bè Yal cồng nha sơn rờp dơ\ lùp sền khà kờp làng bol mờ hìu ơm nam 2019 geh Văn phòng Chính phủ bơyai lơh drim òr tàm Hà Nội.

Cồng nha lùp sền kung ai go\, Việt Nam là lơgar geh khà làng bol ơm kis tàm dùl bă ù mùl màl uă rlau mờ ală lơgar tàm dunia mờ ală lơgar rềp bal, tàm hơ\ Hà Nội mờ [òn dờng Hồ Chí Minh là 2 tiah geh khà làng bol ơm kis tàm dùl bă ù mùl màl uă ngan rlau jơh gùt lơgar, tàm hơ\ Hà Nội là rlau 2 rbô nă cau tàm 1 kơi sồ vuông mờ [òn dờng Hồ Chí Minh là rlau 4 rbô nă cau tàm 1 kơi sồ vuông. Tam pà làng bol ơm kis đah ală bă tiah lơh sa mpồl bơtiàn geh bơta krơi is dờng ngan: Tiah ring dà dờng Hồng là tiah tơr gùm cau ơm kis uă ngan rlau jơh gùt lơgar, Tây Nguyên là tiah geh êt cau ơm kis ngan rlau jơh.

Cau mblàng K’Duẩn