VOV4.K’ho- Tàm càr Kon Tum, tàm jơh gùt bơta jòng rlau 292 kơi sồ gùng nhàr lơgar rềp bal mờ 2 lơgar gơ\p bơyô Lào mờ Campuchia geh dùl anih dờng màng, tiah mờ “dùl dơ\ iar nrao jơh pe lơgar ndrờm kơno jơh lơm”.

 Tàm do, tàm nam 2007, bal mờ nùs nhơm lơh broă bal bơh Chính phủ mờ làng bol pe lơgar Việt Nam, Lào mờ Campuchia dê tàm tu\ lơh jăt bơsong ală broă tiah nhàr lơgar, ù tiah dà lơgar, dùl nơm jrong 3 đah tiah nhàr lơgar neh geh lơh mờ lơh gơs tàm bồ nam 2008. Jrong là bơta pơrya bơh bơta pin dờn, bơta tam klăc bal tàm bơ\t bơtàu tiah nhàr lơgar ring lơngai, gi\t gơ\p lơh bơyô bal bơh 3 lơgar Việt Nam, Lào mờ Campuchia dê.

Jrong đah 3 tiah nhàr lơgar Việt Nam, Lào mờ Campuchia geh sơnđờm lơh tàm ngai 29/11/2007 mờ lơh gơs tàm ngai 18/1/2008. Jrong ơm tềng hơđang bồ dùl nơm bơnơm geh bơta jơnhoa 1 rbô 86 thơk pơndrờm mờ măt dà lềng, đah Việt Nam gơ wèt xã Bờ Y, kơnhoàl Ngọc Hồi, càr Kon Tum. Phan nàng lưh jrong là lu\ bơkàu dùl pơnai lu\ tơn, kơn jơ\ rlau 1 tấn, geh rùp să pe mum 3 đah wèt tus pe lơgar. Đah Việt Nam là càr Kon Tum, đah Lào là càr Attapư mờ đah Campuchia là Rattanakiri. Kờp bơh tu\ lơh gơs, sùm tàm 12 nam do, jrong đah pe lơgar Việt Nam, Lào mờ Campuchia là anih tus bơh làng bol gùt lơgar mờ uă mpồl cau năc dunia dê.

Bi Điểu Lê Nam Nam, kuang bàng Mpồl Tam klăc ơruh pơnu Việt Nam càr Dăk Nông ngoh rơngăc tu\ dơ\ sơnrờp lòt còp jrong đah pe nhàr lơgar: Dơ\ sơnrờp lòt tus tàm do den oh gơlơh sền go\ là chờ hờp ngan. Ưn ngài ồng pàng he neh phi să mhàm ntìng nàng sền gàr bơta lơngăp lơngai gơnoar tờm ù tiah kung bè tiah nhàr lơgar dà lơgar dê.

Broă lơh sền gàr jrong đah pe tiah nhàr lơgar bơh Pôs đồng ling sền gàr tiah nhàr lơgar Mpồng nhàr lơgar dunia Bờ Y dê

Tu\ do, bơh mpồng nhàr lơgar dunia Bờ Y, rơndeh ô tô mìng lòt dùl gơl gùng jòng di pơgăp 10 kơi sồ lơm tàm gùl ù tiah brê bơnơm dờng ơning ơnàng ngan là tus tơn tềng anih geh jrong đah 3 tiah nhàr lơgar. Pa do, càr Kon Tum neh bơcri priă lơh dùl [làng rơndeh in ơm tềng hơđơm jơng bơnơm tơn, là tiah lơh jrong nhàr lơgar bal mờ bơta ơnàng ơn di pơgăp gi\t nđờ jơ\t nơm rơndeh ô tô ală bơta. Bal mờ hơ\ geh gùng lam lòt bal mờ gi\t nđờ rhiang nơm kai ntùng hàu guh tus tềng jrong nhàr lơgar pa geh dă lu\ sàng goh mờ niam bơne\ ngan. Jơnau gơlơh kah ngan rlau tai là dùl nơm dòr là tiah lơh jrong nhàr lơgar lài do là dòr gơlàc lơm ờ geh nhơ\t chi che lơi gơtùi kis tài bơh [ồm mền, gar năt mờ dà sơnơm khih lơh chơ\t aniai jơh, den tu\ do neh geh tam bềng lơm chi che tơlir nhhiơm mrềt niam ngan.

Ồng Đỗ Trọng Khôi, 77 sơnam lài do là Kuang ătbồ Bảo tàng Sền gàr tiah nhàr lơgar tàm càr lơgar Hà Nội dơ\ pe lòt còp tai jrong đah pe tiah nhàr lơgar, kung gam gơlơh ngoh rơngăc ngan sơl: Lòt tus tềng do lòt còp wơl tiah tam lơh rài yau. Geh tìp wơl gơ\p bơyô cau lòt ling bal tàm Mpồl ling sền gàr tiah nhàr lơgar càr Kon Tum gơlơh ngoh rơngăc ngan gi\t lơh. Mờ kuơmàng là geh lòt tus tai tàm jrong sơne\ pe tiah nhàr lơgar bơh Đông Dương dê đah Lào, Việt Nam mờ Campuchia, tìp wơl jrong nhàr lơgar gơnoar tờm ù tiah bơh dà lơgar dê den sơlơ gơlơh ngoh rơngăc ngan tai. Tơngai rài yau, wa lòt tus tềng do den jrong nhàr lơgar do gam lơh [alhiă lơm ờ hềt geh lơh niam kung bè uă cau tus còp sền bè do ờ. Lòt tus tàm do dơ\ pe den pal đơs ngan là niam ngan, bơngă ngan.

Ală bơyô kơnòm să tus bal dơ\ lòt gùng “A` gơboh Dà lơgar a`” bơh Mpồl tam klăc ơruh pơnu dà lơgar Việt Nam dê bơyai lơh lòt còp jrong đah pe tiah nhàr lơgar

Mờ anih ù tiah dờng màng, là jơnau pơrya bơh bơta pin dờn, bơta tam klăc bal dê, tàm ală nam do, jrong đah pe tiah nhàr lơgar tàm xã Bờ Y, kơnhoàl Ngọc Hồi, càr Kon Tum sùm là anih tus tàm ală broă lơh rê hờ tiah pôs đồng kăc màng; là tiah tìp măt, lơh quèng tàm broă lòt rê mờ lơgar nđai đah ală làng bol, lơh broă mờ lơgar ndai sền gàr dà lơgar; tàm bơ\t bơtàu tiah nhàr lơgar ring lơngai, gi\t gơ\p lơh bơyô bal bơh mpồl cau mờng lơh kơnòl broă càr Kon Tum, lơgar Việt Nam dê; Attapư, lơgar Lào dê; Rattanakiria, lơgar Campuchia dê.

Mờ bơta lơh ngan jơh nùs lơh rlau 292 kơi sồ gùng nhàr lơgar rềp bal mờ lơgar gơ\p bơyô Lào mờ Campuchia gơ gơs là gùng nhàr lơgar ring lơngai, gi\t gơ\p lơh bơyô bal, mờ bơta pơrya mpờl go\ loh làng ngan rlau jơh hơ\ là jrong đah pe tiah nhàr lơgar, tàm pơgăp 7 nam lài, mpồl ling sền gàr tiah nhàr lơgar càr Kon Tum neh pơgồp bal mờ ală mpồl ling sền gàr tiah nhàr lơgar bơh lơgar gơ\p bơyô Lào mờ Campuchia dê bơyai lơh rlau 800 dơ\ cribơyai; rlau 500 dơ\ cribơyai broă gơlik geh; rlau 230 dơ\ lòt sền đah 2 gah mờ bơsong niam ală dơ\ broă gơlik geh tàm gơl gùng tiah nhàr lơgar.

Ồng Đỗ Trọng Khôi (cau soh àu bò) dơ\ 3 lòt còp jrong đah pe tiah nhàr lơgar do

Đơs bè broă lơh lơh broă mờ lơgar ndai sền gàr dà lơgar, Đại tá Phạm Ngọc Phú, Kuang đơng lam bồ Mpồl ling sền gàr tiah nhàr lơgar càr Kon Tum pà gi\t: Đảng ủy Mpồl ling sền gàr tiah nhàr lơgar sùm tơrgùm lơh pràn mờ tơnguh uă cồng nha, bơta niam broă lơh broă mờ lơgar ndai sền gàr dà lơgar. Bè bơyai lơh tìp măt, lơh quèng, cribơyai jăt tơngai ờs mờng tàm uă kấp nàng kờ` sơlơ tơnguh tai bơta gi\t wa\, pin dờn mờ tơnguh uă cồng nha pơgồp bal tàm tu\ lơh jăt kơnòl broă. Dong pơlam ai tiah do in bơyai lơh lơh oh mi bal đah thôn, [òn bơh 2 gah tiah nhàr lơgar nàng kờ` tơnguh tai bơta gi\t gơ\p gi\t wa\ bal. Jơh nùs dong kờl làng bol, kấp ủy, gơnoar ătbồ mờ mpồl ling sền gàr tiah nhàr lơgar ơm song bal mờ he bal mờ jơnau đơs “dong bơyô là dong is he” pơgồp bơnah sùm lơh kơ\ kơl jăp, tơnguh tai bơta gi\t gơ\p, tam klăc bal rềp mềl 2 đah tiah nhàr lơgar.

Broă lơh lòt sền bal bơh ală mpồl ling sền gàr tiah nhàr lơgar bơh pe lơgar Việt Nam- Lào mờ Campuchia dê

Kàl prang, bồ sơnam pa do, jrong đah pe tiah nhàr lơgar rwah đal gi\t tiah nhàr lơgar bơh pe lơgar Việt Nam- Lào mờ Campuchia dê, tàm xã Bờ Y, kơnhoàl Ngọc Hồi, càr Kon Tum gam là anih tus bơh năc lòt nhơl tàm dơlam mờ bơdìh lơgar dê. Mờ kơnòl king cru\ dờng màng ngan mờ Dà lơgar bal mờ làng bol dê jàu, mpồl ling sền gàr tiah nhàr lơgar càr Kon Tum gam ngai mang ìa kơ\ ngkơr phaù sền gàr, bơ\t bơtàu jrong đah pe tiah nhàr lơgar sùm sùm là bơta pơrya bơh bơta pin dờn, ring lơngai, gi\t gơ\p lơh bơyô bal mờ tam klăc bal nàng bơtàu tơnguh bal.

Cau cih Khoa Điềm- Cau mblàng Lơ Mu K’Yến