VOV4.K’ho - Ală nam pa do, măt sơnđan bi K’ Brooke, kòn cau K’ Ho kis tàm [òn Lăng Cú, xã Gung Ré, kơnhoàl Di Linh, càr Lâm Đồng geh uă cau g^t tus tài bi geh uă nùs nhơm, bồ tơngoh kơlôi sơnơng mu\t lơh broă niam mờ krơi is. Mờ nùs nhơm kờ` tơnguh bơtàu broă lơh sa gơdờp mờ bơta geh is, kờ` lơh geh bơta kuơ krơi is, gàr niam bơta kơl jăp, K’ Brooke neh lơh uă rơndăp broă lơh geh cồng nha, geh broă hòi jà pràn tàm mpồl bơtiàn.

A` jơh bơsram đại học gah Nông – lâm, bơsram tòm đah tam brê mờ ròng phan. Mờ nùs nhơm kơ\p kờ` geh ròng sur, iar sơntìl bơh yau làng bol dê, tơnguh bơtàu bơta chài rơgơi ờs mờng kòn cau bơh yau. Tơnguh bơtàu broă lơh sa kờ` rơnàng kơnòm să tu\ do in sền g^t mờ tơnguh broă lơh. Prăp gàr bè bơta niam chài rơgơi phan sa kung bè tơnguh bơtàu lơh sa bơh yau mờ tu\ do gam gơtìp roh.

Nùs nhơm kơ\p kờ` neh gơs mùl màl tu\ kỹ sư K’ Brooke, kòn cau K’ Ho sơbì broă lơh gam niam tàm dùl công ty cổ phần bè broă lơh công nghệ mờ trắc địa tàm Hà Nội, rê mờ [òn lơgar ròng sur.

Bi tus tàm xã tiah ngài Sơn Điền, kơnhoàl Di Linh, càr Lâm Đồng kờ` lơh mpồl lơh broă bal ròng sur sinh thái, kờ` ai geh bơta krơi is bè phan geh lơh mờ geh bơta tàm pơrlòng pràn bè bơta niam bal mờ khà priă.

                      Broă ròng sur sinh thái bơh bi K’ Brooke tàm xã Gia Bắc, kơnhoàl Di Linh, càr Lâm Đồng

Bơta sur geh bi rơwah ròng là sơntìl sur jù kòn cau dê. Bòr sur do geh ròng ting tàm suơn kơphe, rềp tềng gah brê, mờ phan sa mìng geh bơh ală bơta phan geh is bơh brê dê bè ju, [ang gle mờ ală bơta biăp brê. Pah mho, kơno săp ntas klèng, bòr sur rê sa bơtơl lơ\ kòi, lo\ tơngời.

Mờ 45 nơm sur me lài ngan, pah nam deh 2 dơ\ geh rơlao 300 nơm sur kòn.  Tu\ sur kòn geh `jơ\ tus 15 k^ den tăc, kờp jơh khà priă geh rơlao 450 tơlăk priă. Bal mờ hơ\ là mpồl be g^t nđờ 10 nơm mờ g^t nđờ rơhiang nơm iar ròng ting tàm suơn kung ai geh uă ngan priă sơl.

Bơh nùs nhơm kơlôi sơnơng tàm broă lơh sa tus mờ broă lơh ngan ngồn rơndăp broă lơh do, K’ Booke  neh geh anih dong kờl mu\t lơh broă hìu bơsram Đại học Dà Làc jào khà pơn jờng bè nùs nhơm kơlôi sơnơng mu\t lơh broă.

Mơya, klao pơnu kòn cau K’ Ho, K’ Brooke ờ gơtùi dùl nă să is ơm kis sùm mờ brê bơnơm bal mờ bòr sur jù, be kò tàm dòr bơnơm, bi rê mờ [òn Lăng Cú, xã Gung Ré, kơnhoàl Di Linh lơh rơndăp broă tam kơphe jăt broă lơh khăt hòn is mờ prăp gàr ală bơta kuơ chài rơgơi  ờs mờng kòn cau K’ Ho dê.

-Mờ nùs nhơm kơ\p kờ` geh lơh dùl broă lơi hơ\, bè tam kơphe pal kloh, thồm bơkah, kơphe gam bè ờs geh uă cau kờ`. Tu\ a` tam geh kơphe kloh do, geh cau mờng hùc kơphe g^t tus. Là kòn cau K’ Ho, a` geh broă tơnguh bơtàu is. Oh mi ală jơi bơtiàn kòn cau ndai, geh bal cau yoan… cau lơh gơtùi den a` kung lơh gơtùi sơl.

Tam kơphe jăt broă lơh hòn is geh K’ Brooke ngui tàm suơn hìu nhă tòm. Do là broă tam phan jăt broă lơh krơi is ngan mờ broă tam kơphe mờ he mờng go\. Suơn kơphe ờ jì `hơ\t, geh tu\ bi gam tam tai `hơ\t mờ tòm muồng tàm suơn kơphe.

           Broă tam kơphe jăt broă lơh hòn is bơh bi K’ Brooke tàm xã Gung Ré, kơnhoàl Di Linh geh uă cau tàm mpồl bơtiàn sền gròi

Kỹ sư K’ Brooke mblàng bè broă lơh krơ is do là kờ` cèng geh phan kloh  mờ geh bơta kuơ jo\ jòng.

-Tòm a` tam tàm suơn kơphe là tòm geh jơi mờ khoah,  nha dờng… Tam bơh 3, 4\ nam, kờ` kơl dìng ù tiah, lơh niam ù tiah tàm suơn. Ù tàm [òn a` kơh, kàl mìu  den gơtìp dà cò pơrdô jơh ù, gam tàm kàl prang den trồ tiah duh lơh ù gơtìp duh jăt bal sơl.

Mờ tàm kàl prang den trồ prang ờ tơl dà tuh, a` tam tòm chi do geh tơmù dà tuh tàm kàl prang. Kơnờm mờ chi che lơh niam trồ tiah, lơh tòm kơphe hòn gơs niam, plai kơphe kloh niam, bơkah.

Mùl màl pà go\, gam tàm gùl kàl prang, suơn kơphe  bơh hìu nhă K’ Brooke dê gam hòn gơs niam, bu\ lah ờ tuh dà. Dùl bơta krơi is tai, tu\ do gam rơcang mu\t nhai 3, hìu nhă K’Brooke gam p^c plai kơphe sơl, tàm tu\ cau tam kơphe tàm Tây Nguyên neh tơn jơh kàl p^c plai kơphe bơh lài mờ satềp.

Broă p^c plai kơphe mờ lơh gar kơphe bơh hìu nhă K’ Brooke  dê kung krơi is ngan sơl. Plai kơphe pal dum jơh 100% hơ\ sồng p^c, ờ tu\ lơi p^c plai gam lir. Tơnơ\ mờ tu\ neh p^c, plai kơphe geh ìs hờ đang dra `hoa.

Lơh bal mờ broă tam kơphe  jăt broă lơh hòn is bơh hìu nhă K’ Brooke dê, gam geh Cử nhân K’ Khuy kis tàm [òn Hàng Làng, xã Gung Ré, kơnhoàl Di Linh. Tơnơ\ mờ tu\ neh jơh bơsram tàm hìu bơsram Đại học Tây Nguyên, bi K’ Khuy rê tàm [òn mờ geh pồ lơh Phó Bí thư Đoàn xã Gung Ré.

                              K’ Brooke bal mờ K’ Khuy yal bè broă mu\t lơh broă bơceh pa bơh ơruh pơnu càr Lâm Đồng dê

Mơya tài gơboh kờ` mờ nùs nhơm kờ` mu\t lơh broă bơh bi K’ Brooke dê, den tàng bi neh lơh jăt broă lơh do, mờ lơh ngan kờ` geh dùl bơta kơphe bơkah geh khà măt kă bro “K’Ho Coffee”.

-Tam kơphe jăt broă lơh hữu cơ sinh thái là tam kơnờm mờ ù tiah, trồ tiah, ờ sih phơng hoá học, ờ [ồm sơnơm gơsơ\t tu, mìng tuh phơng cuồng, phơng hữu cơ… den tàng bơta niam gar kơphe  tu\ coh, bo\, klài hùc den bơkah rơlao mờ kơphe tam jăt broă lơh bè ờs.

Kơphe geh tam jăt broă lơh hữu cơ lơngồt mờ bơkah rơlao mờ broă tam bè ờs; gàr niam bơta pràn rơlao pơn ndrờm mờ kơphe geh tam sih mờ phơng hoá học mờ [ồm sơnơm tu. Bol a` kơ\p kờ` geh bơ\t bơtàu khà măt kă bo is ai kơphe in là K’ Ho Coffee”.

Nùs nhơm kơlôi sơnơng jăk chài bal mờ broă bơceh pa bơh K’ Brooke di pal ngan mờ geh bơta pràn gơdờp bal tàm mpồl bơtiàn. Mờ rơndăp broă bơ\t bơtàu mpồl bơtiàn kòn cau K’Ho tơnguh bơtàu phan bơkah chài rơgơi is [òn lơgar dê, nam lài, bi K’ Brooke neh tus bal broă lơh “Tơlòng ơruh pơnu Việt Nam tài bơceh pa mpồl bơtiàn” tàm Hà Nội mờ geh khà bàr.

Să gam kơnòm mờ g^t nđờ jơnau kơ\p kờ` dờng màng, K’ Brooke cèng bơta ngăc ngar  bal mờ nùs nhơm khin cha tus tàm uă tiah, bơh Tây Nguyên tus càr lơgar Hà Nội hơ\ sồng rê mờ [òn lơgar.

Du\t ndơl klao kỹ sư nông – lâm K’ Brooke neh geh ùr ơruh kòn cau K’ Ho hàng bơne\ sơnđan là Miu Du Cil, kis tàm [òn dờng Dà Làc gơboh. Jăt bơhiàn kòn cau K’ Ho he dê, lồi nam lài, K’ Brooke neh rê bao, mờ sơn đờm rài kis pa mờ uă  nùs nhơm kơlôi sơnơng pa jăk chài ndai.

-Broă a` lơh bơh tu\ gam pơnu, tus tu\ do pa rê bao, a` sùm tam pà bal broă lơh a` dê mờ ală cau tàm hìu nhă bal mờ cau pròc mhàm. Hìu nhă pơ-ùr a`, tàm hơ\ kuơ màng là pơ-ùr a` sùm lam sồr, tam pà bal kờ` a` pơn jăt tai ală broă lơh, broă lơh gam gơlời ờ hềt sir kờ` pơn jăt tai lơh gơs.

A` geh rơndăp broă pa là lơh broă nhơl chờ Homestay kung neh geh đah hìu nhă pơ-ùr ring bal sơl. Ală broă gam lơh ờ hềt sir a` ờ gơtùi sơbì, mờ pal pơn jăt tai lơh gơs, bè tam kơphe kloh niam ờ gơtìp [ơ\ tàm tiah kis, ròng sur, lơh hìu hờ đang ờs mờng kòn cau a` dê.

Cau mblàng Ndong Brawl