VOV4.K’ho- Tơnơ\ 3 nam lam lơh jat Chỉ thị sồ 05 bơh Bộ Chính trị dê bè “ Lơh pràn bơsram mờ lơh jat nùs nhơm, broă lơh mờ rài kis Hồ Chí Minh dê”, tàm càr Kon Tum neh geh uă krơh niam cau dùl nă să is, mpồl cau pơn rơ jak tàm broă bơsram sră mờ lơh jat Bác Hồ. Gơ wèt mờ klau pơgru Dương Văn Vấn, 37 sơnam, hìu bơsram kấp bàr Đăk Rve, kơnhoàl Kon Braih, bơsram jat Bác Hồ là pah ngai geh lơh broă niam ai ală kơnòm bơsram in.

Sùm 14 nam do rềp mềr mờ broă lơh pơgru tàm kơnhoàl Kon Braih, càr Kon Tum tiah mờ rài kis làng bol dê gam uă ngan kal ke, klau pơgru Dương Văn Vấn, 37 sơnam, bơto tàm hìu bơsram kấp bàr Đăk Rve sùm tryăng tryồng mờ broă dong kờl ală kơnòm bơsram geh rài kis kal ke tus tàm ơdu\, tus hìu bơsram. Mờ kơlôi là bơsram jat Bác Hồ, lơh jat krơh Bác Hồ dê là pah ngai geh lơh broă niam ai ală kơnòm bơsram in, pơgap mờ do rlau 3 nam klau pơgru Vấn crơng gơs mpồl dong kờl is sơn đan là “Kon Braih tàm tơr bo\ bal mờ tam pà bal” bơh klau pơgru Vấn lơh cau atbồ mpồl.

A` kơlôi sơnơng sùm uă ngan. A` lùp jơnau bàr pe nă cau mờ kuơ màng là pơ ùr a` dê. A` lùp jơnau, đơs lơm den rài kis he dê lơh geh bơta lơi den lơh te\, tơnơ\ do he kờ` lơh kung ờ gơtùi lơh sơl. Hơ\ là a` hòi jà bàr pe nă cau lài do a` neh lòt lơh ală broă lơh tu\ ờ hềt crơng gơs mpồl. Bơh sơn rờp mìng là dong kờl ală cau geh rài kis uă kal ke pơn jat tai lơh mbè lơi nàng tus tàm hìu bơsram lài ngan.

Klau pơgru Vấn bal mờ ală kơnòm bơsram tàm jiơ bơsram ngoại khóa tàm broă lơh Sơn tơ\p jrong Trường Sa

Bơh sơn rờp mpồl dong kờl is “ Kon Braih tàm tơr bo\ bal mờ tam pà bal” bơh klau pơgru Dương Văn Vấn dê tơrgùm tàm broă lơh ală dơ\ tru\ sa ờ sa priă nàng kờ` lơh geh bơta rềp mềr mờ ală kơnòm bơsram. Bơh bơta rề ơnàng bơta kờ` gơboh, broă lơh bơh mpồl dê dờp geh uă bơta dong kờl bơh ală cau dùl nă să is mờ mpồl cau. Klau pơgru Vấn pà g^t, tơnơ\ rlau 3 nam mut lơh, mpồl neh pà geh rlau 270 bơnah priă bơsram, g^t nđờ rơbô bơnah phan pà, dơ\ sa ờ sa priă mờ kờp priă mờr 1 tơmàn 500 tơlak ai ală kơnòm bơsram in. Ală cau tus bal tàm mpồl kung neh gơguh tus rlau 800 nă cau, ờ hềt kờp bal mờ mpồl cau lơh broă bal.

Broă lơh bơh klau pơgru Dương Văn Vấn bal mờ mpồl “ Kon Braih tàm tơr bo\ bal mờ tam pà bal” neh dong uă kơnòm bơsram geh rài kis kal ke pơn jat tai geh tus tàm ơdu\, tus hìu bơsram mờ pơn dờm pơn điang ală kơnòm bơsram sră. Oh Lương Ngọc Khánh Uyên, kơnòm bơsram ơdu\ 8A, Hìu bơsram kấp bàr Đăk Rve, thị trấn Đăk Rve, kơnhoàl Kon Braih đơs bè klau pơgru kờ` gơboh bơh he dê.

Oh sền go\ klau pơgru Dương Văn Vấn là dùl nă cau jơh nùs jơh tồr mờ chờ hờp ngan.  Ơm tàm ală broă lơh Đội den pơgru Vấn sùm lơh bol oh in ală bơta nhơl chờ hờp là ring bal mờ kờ` gơboh bal gơ\p bơyô mờ lơh bol oh in geh tai uă bơta g^t wă bal mờ geh bơta gơ kờ` tàm broă bơsram sră rlau.

Klau pơgru Vấn tàm broă lơh Ào kò tus hìu bơsram bal mờ mpồl Kon Rẫy tam tơrbo\ bal mờ tam pà bal

Bal mờ tàm tơr bo\ bal geh lơh cồng nha, broă lơh dong kờl is tài kơnòm bơsram kờ` gơboh, tàm broă lơh ờs mờng, klau pơgru Dương Văn Vấn kung geh uă bơta bơceh pa. Mờ gơnoar broă là Tổng phụ trách Đội, klau pơgru Vấn geh jơnau bơceh crơng gơs mờ lơh broă sùm geh cồng nha broă lơh “Tùh sră Bác Hồ dê”.

Bơh khà priă geh bơh broă hòi jà, klau pơgru Vấn bal mờ Ban giám hiệu hìu bơsram bơt bơtàu broă lơh “ Sơn tơ\p jrong Trường Sa” tàm dùl tiah kuơ màng ngan tàm [làng hìu bơsram dê. Do là tiah ală pơgru hìu bơsram dê sơn đờm kah rơngal bơta kờ` gơboh dà lềng, bồt bơlào, bơto bơtê nùs nhơm kờ` gơboh dà lơgar mờ pơn ìơ să jơi bơtìan dê ai ală kơnòm bơsram in tàm ală dơ\ bơsram ngoại khoá.

Klau pơgru Lương Tấn Thanh, Phó Hiệu trưởng hìu bơsram kấp bàr Đăk Rve ki ngàm ngan tu\ đơs bè cau pơgru lơh broă bal bơh he dê.

Pơgru Dương Văn Vấn là pơgru Tổng phụ trách Đội hìu bơsram dê. Pơgru jak chài tàm broă lơh mờ neh lơh geh uă cồng nha tàm hìu bơsram kung bè tàm gah bơto bơtê. Pơgru Vấn sùm cribơyai mờ hìu bơsram bơyai lơh ală broă lơh bơto bơtê ai kơnòm bơsram in dùl bă geh cồng nha. Pơgru sùm lòt lài tàm ală srơh tàm pơr lòng bơh gah bơto bơtê mờ hìu bơsram.

Tàm14 nam do rềp mềr mờ broă bơto bơtê tàm kơnhoàl r[ah Kon Braih, càr Kon Tum, klau pơgru Dương Văn Vấn neh lơh geh uă broă lơh niam ai ală kơnòm bơsram kờ` gơboh. Bơsram jat Bác Hồ mờ lơh jat krơh Bác Hồ dê lơh uă broă lơh niam, klau pơnu [òn tờm Huế tu\ do là cau kờ` gơ boh bơh [òn lơgar Kon Braih dê geh uă cau tàm tiah do g^t tus mờ ki ngàm.

Cau mblàng K’ Hạnh