VOV4.K’ho – Bal mờ kơnòl sền gàr kơ\ kơljap gơnoar tờm dờng màng bơh dà lơgar dê, ală nam do, sơr lèt gan kal ke, kuang bàng, cau ling Pôs ling sền gàr tiah nhàr dà lơgar Nậm Na, Gah đơng lam Mpồl ling sền gàr tiah nhàr dà lơgar Dak Nông lơh pôs tàm xã Dak Wil, kơnhòal Cư Jut neh at tê bal, pơgồp bal bơta pràn dong ua\ hìu bơnhă làng bol tàm xã Dak Wil bơtàu tơnguh lơh sa, tơn jơh jơgloh tơmù r[ah. Ală broă lơh bơh ală bi dê neh lời wơl tàm nùs nhơm làng bol ală tềl kah kir niam ngan, ngan ngồn gơ gơs là anih kơldìng kơ\ kơljap bơh làng bol tiah nhàr dà lơgar dê.

Pơn rơ bè hìu bơnhă bi Lý Văn Nàm, ơm tàm thôn 11, xã Dak Wil geh 5 sàu tiêu gơtìp chơt, broă lơh sa gơtìp ua\ kal ke. Nàng dong hìu bơnhă bi Nàm sơr lèt gan kal ke, brồ guh tàm rài kis, Pôs ling sền gàr tiah nhàr dà lơgar Nậm Na neh dong kờl hìu bơnhă bi Nàm in 1 nơm kơn rồ me sơntìl, tơnơ\ mờr 1 nam ròng mờ sền gròi, tus tu\ do kơn rồ sơntìl bơh bi Nàm dê neh mờr deh kòn. Ờ gơtùi pồn bơta chờ hờp, bi Nàm pà git, geh lơh ngan sền gròi kơn rồ niam nàng gơ in deh ua\ kòn mờ mhar brồ guh lik klàs r[ah, nàng di mờ bơta dong kờl bơh kuang bàng, cau ling pôs ling sền gàr tiah nhàr dà lơgar Nậm Na dê:

“Pôs ling Nậm Na dong kờl a` in dùl nơm kơn rồ me sơntìl nàng bơtàu tơnguh lơh sa, a` hơ pơrgon mờ ală cau ling là geh sền gròi kơn rồ niam, nàng gơ in geh ua\ kòn nàng gơtùi bơtàu tơnguh rài kis hìu bơnhă”.

Nàng dong làng bol tơn jơh jơgloh tơmù r[ah, pôs ling sền gàr tiah nhàr dà lơgar Nậm Na neh hòi jà làng bol lơh ngan bơtàu tơnguh lơh sa suơn sre jat gùng dà broă lơh pa. Tơl nă kuang bàng, cau geh đảng, cau ling tu\ tus tàm [òn lơgar pal di tu\ git ală bơta gơlik geh mờ dong làng bol rơ wah sơntìl chi tam, phan ròng dipal mờ bơta geh ngan tàm [òn lơgar, pơlam kỹ thuật làng bol in, dong làng bol bơtàu tơnguh lơh sa.

Nam 2014, kung kơ nờm geh pôs ling sền gàr tiah nhàr dà lơgar Nậm Na dong kờl dùl tơlak đông pria\ blơi ka sơntìl, hìu bơnhă bi Tống Hồng Sơn tàm xã Dak Wil neh hời rơ hời sơr lèt gan kal ke. Tu\ do, bơdìh mờ broă ròng ka, bi Sơn gam ròng tai jơrke sơntìl pa, tam chi sa plai, kơ nờm bơh hơ\ den tàng rài kis neh tam gơl ua\ ngan:

“Gam gơtìp kal ke den geh pôs ling sền gàr tiah nhàr dà lơgar Nậm Na dong kờl dùl êt pria\ jền bơcri lơh sa den tàng hìu bơnhă kung blơi sơntìl ka nàng ròng, pria\ lơh geh bơh ròng ka den a` bơcri nàng tam chi sa plai mờ lơh pơ gồp bal đah suơn, tơnau ròng ka mờ wàng ròng phan, den tus tu\ do, hìu bơnhă kung neh ờ huan kal ke tai”.

Xã Dak Wil, kơnhòal Cư Jut geh 2 rbô 204 hìu bơnhă làng bol bal mờ mờr 10 rbô nă cau; gùt xã geh 14 jơi bơtìan kòn cau oh mi ơm kis bal. Ală nam do, kơ nờm geh kuang bàng, cau ling Pôs ling sền gàr tiah nhàr dà lơgar Nậm Na sền gròi dong kờl, git nđờ jơt hìu bơnhă r[ah tàm xã neh geh rài kis kơ\ kơljap rlau. Kuang bàng, cau ling Pôs ling sền gàr tiah nhàr dà lơgar Nậm Na gam sùm kơ\ nùs lơh broă tàm [òn lơgar, hòi jà làng bol lơh ngan lơh broă, lơh sa nàng bơtàu tơnguh lơh sa, tus bal tàm broă sền gàr tiah nhàr dà lơgar, sền gàr brê, ờ dô gan tiah nhàr dà lơgar tìs mờ adat boh lam.

Jat Thiếu tá Luơng Đình Hùng, Chính trị viên Pôs ling sền gàr tiah nhàr dà lơgar Nậm Na đơs, pôs ling geh kơ nòl atbồ, sền gàr gơl gùng nhàr dà lơgar jòng mờr 10 kơi sồ mờ nggùl, rềp mờ xã Krông Te, kơnhòal Bét Chăn Đa, càr Mondulkiri, lơgar Campuchia. Lơh pôs tàm tiah ngài, gơtìp ua\ kal ke, den tàng broă dong làng bol sơr lèt gan kal ke sơlơ geh sền dờng màng rlau tai:

“Bơdìh mờ kơ nòl sền gàr gơ noar tờm lơngap lơngai tiah nhàr dà lơgar, tàm tơngai lài, pôs ling lam lơh ua\ broă lơh dong làng bol bơtàu tơnguh lơh sa, tàm hơ\ pôs ling neh lam lơh 2 broă lơh dong làng bol, hơ\ là pà kơn rồ sơntìl ai cau r[ah tiah nhàr dà lơgar in, bơh sơn rờp là pà 2 nơm kơn rồ ai 2 hìu bơnhă in, tus tu\ do neh 4 nam lơh broă do, den kơn rồ neh deh 8 nơm mờ bol a` neh tàm pơdar pà 4 hìu bơnhă in, pơn jat tai tus nam 2020 den geh tàm pơdar pà ală hìu bơnhă ndai in tai, bơdìh hơ\ tai bol a` gam lam lơh broă lơh tơnau ka dà mrềt dong ală hìu bơnhă r[ah tiah nhàr dà lơgar in”.

Ală cồng nha lơh geh bulah ờ hềt ua\, mơya neh dong làng bol tiah nhàr dà lơgar iang nùs ơm wơl mờ tiah nhàr dà lơgar, brồ guh tơn jơh jơgloh, tơmù r[ah, bal mờ mpồl ling sền gàr tiah nhàr dà lơgar bơt bơtàu mpồl sền gàr tiah nhàr dà lơgar gùt làng bol kơ\ kơljap, pràn kơldang, pơgồp bơnah sền gàr kơ\ ngap lơngai is, gơnoar tờm tiah nhàr dà lơgar.

Cau mblàng K’Duẩn