VOV4.K’ho-Bal mờ kơnòl broă ătbồ, sền gàr kơ\ kơl jăp gơnoar tờm ù tiah, lơngăp lơngai tàm 292 kơi sồ gùng nhàr lơgar bơh Dà lơgar dê rềp nhàr bal mờ lơgar gơ\p bơyô Lào mờ Campuchia, mpồl ling sền gàr tiah nhàr lơgar càr Kon Tum gam sền gròi ngan tai tus broă lơh kơlôi rcăng ai ală cau geh rài kis kal ke uă ngan in tàm jăt kềng gah tiah nhàr lơgar. Ală broă lơh loh làng, geh kuơ ngan bơh kuang bàng, cau ling sền gàr tiah nhàr lơgar dê geh gơnoar ătbồ bal mờ làng bol càr Kon Tum cih dờp mờ jờng rơ ngan.

Bơh rlau 2 nhai do, oh A Ứng, 10 sơnam là kòn cau Jrai, ơm tàm [òn Grập, xã tiah nhàr lơgar Mô Rai, kơnhoàl Sa Thầy, càr Kon Tum dê ngan ngồn gơ gơs là kòn bơh kuang bàng, cau ling tàm Pôs đồng ling sền gàr tiah nhàr lơgar Mô Rai dê. Pah ngai bal mờ tu\ jiơ lòt bơsram tàm hìu bơsram, oh A Ứng ơm lềr wềl sùm bal mờ ală wa cau ling. Oh neh chờ hờp mờ pin dờn rlau uă ngan pơndrờm mờ ală ngai pa geh ală wa cau ling rò rê mu\t ơm tàm Pôs đồng ling sền gàr tiah nhàr lơgar.

Oh A Ứng, đơs bè do: Ơm tàm pôs đồng ling dê sa piang hờm, sa bơkah, sa puăc iar bơkah ngan. Sa phan lơi kung geh lơm. Ală wa lơh bài ai kòn in sền, kòn kờ` bơsram jak, dòn bơr mờ tơryăng tơryồng.

Trung úy Rơ Châm Khôi là dùl nă kuang bàng lơh broă gah hòi jà làng boh bơh Pôs đồng ling sền gàr tiah nhàr lơgar Mo Rai dê pà gi\t, A Ứng geh rài kis kal ke ngan. Bèp chơ\t gờ`, mè bau mờ cau ndai ơm tàm xã ngài, oh ơm mờ ồng mò đah bèp dê sơnam neh dờng să jan ờ gam pràn tai. Sền go\ rài kis mờ rài tơnơ\ do bơh oh A Ứng dê là bòl glar ngan, Kuang đơng lam bồ Pôs đồng ling sền gàr tiah nhàr lơgar Mo Rai neh lòt lùp nền bè rài kis mờ bơta kơ\p kờ` bơh oh klau dềt do dê mờ lơh ală sră nggal pal geh nàng dờp oh lơh kòn ròng bơh Pôs đồng dê. Trung úy Rơ Châm Khôi pà gi\t, bơh ngai ntrờ` mu\t ơm kis tơn tàm Pôs đồng ling sền gàr tiah nhàr lơgar, A Ứng sùm dờp geh bơta sền gròi, dong kờl mờ kờ` gơboh ngan bơh jơh ală kuang bàng cau ling dê.

Trung úy Rơ Châm Khôi, yal: Bơh dì tu\ lòt rò oh rê ơm tàm do den să tờm a` bal mờ kuang bàng tàm Pôs đồng sền sau A Ứng gơlơh bè kòn he dê sơl. Bơto sồr dong kờl bơh broă bơsram, broă sàu sa, broă bi\c ndrờm bè kòn tàm hìu bơnhă he dê sơl.

Pah ngai oh A Ứng geh ală wa cau ling sền gàr tiah nhàr lơgar jun lòt bơsram

Mìng tơnơ\ rlau 2 nhai ơm kis bal mờ ală wa cau ling sền gàr tiah nhàr lơgar tàm Pôs đồng ling sền gàr tiah nhàr lơgar Mô Rai, A Ứng neh pin dờn rlau mờ lài uă ngan. Pah ngai, [ùi drim oh geh ală wa jun tus hờ Hìu bơsram kòn cau ơm sa ngai kấp dùl Lý Thường Kiệt nàng bơsram sră, [ùi mho den lòt rò rê. Gùng lòt tus hờ hìu bơsram bơh A Ứng dê lài do bềng bơta bòl glar kal ke den tu\ do neh bềng lơm bơta chờ hờp.

Ùr pơgru Nông Thị Nga, ătbồ ơdu\ 4C1 mờ oh A Ứng gam bơsram ngoh rơngăc đơs bè do: Oh A Ứng bơtuah ngan tu\ geh ală wa cau ling dờp lơh kòn ròng. Oh geh ală wa cau ling sền gròi jơh nùs ngan mờ wil tơl ngan gơlơh bè là bèp, là ală cau bi, cau wa. Tàm rài kis den oh A Ứng geh ală wa cau ling sền gròi jơh nùs mờ wil tơl ngan bơh dơ\ sa, dơ\ bi\c mờ jơh ală phan ngui tàm broă bơsram sră den oh Ứng geh ală wa rcăng wil tơl ngan bè ală cau tàm hìu bơnhă sơl.

Anih bơsram bơh oh A Ứng dê tàm Pôs đồng ling sền gàr tiah nhàr lơgar Mô Rai

Bal mờ oh A Ứng, tus tu\ do tơnơ\ dùl nam lam lơh jăt broă lơh “Kòn ròng Pôs đồng ling sền gàr tiah nhàr lơgar” neh geh 14 Pôs đồng ling sền gàr tiah nhàr lơgar tàm 13 xã tiah nhàr lơgar bơh 4 kơnhoàl, tàm hơ\ geh: Đăk Glei, Ngọc Hồi, Sa Thầy mờ Ia H’Drai, càr Kon Tum dờp 14 nă oh dềt geh rài kis kal ke ngan nàng lơh kòn ròng. Bal mờ hơ\, lơh jăt Broă lơh “Dong cơnđoà jơng oh lòt tus hờ hìu bơsram” ală kuang bàng, cau ling sền gàr tiah nhàr lơgar càr Kon Tum kung dờp dong kờl 75 nă sa là kơnòm bơsram geh rài kis kal ke ngan, pah nhai dong kờl tơl nă sau in 500 rbô đong.

Đại tá Lê Minh Chính, Phó Chính ủy Gah đơng lam Mpồl ling sền gàr tiah nhàr lơgar càr Kon Tum pà gi\t, broă lơh do bơh kuang bàng, cau ling sền gàr tiah nhàr lơgar dê là nùs nhơm mơkung là kơnòl gơ wèt mờ rài kis bơh làng bol tàm tiah nhàr lơgar bơh dà lơgar dê. Tàm nam pa 2020, broă lơh “Kòn ròng Pôs đồng ling sền gàr tiah nhàr lơgar” geh pơn jăt tai geh Gah đơng lam Mpồl ling sền gàr tiah nhàr lơgar càr Kon Tum lơh jăt sùm.

Đại tá Lê Minh Chính, đơs bè do: Bol a` pơn jăt tai jàu ală anih lơh broă in tus lùp sền tai, sac rwah ală sau geh rài kis kal ke bè hìu bơnhă kung bè là ờ geh tơl pràn nàng lòt bơsram. Bol a` geh dờp rê tàm ală pôs đồng ling sền gàr tiah nhàr lơgar mờ ală Mpồl lơh broă tàm [òn lơgar nàng dong ală sau geh tơl bơta lòt bơsram mờ nàng tơnơ\ do ală sau gơ gơs là ală làng bol geh kuơ ai dà lơgar in.

Mpồl ling sền gàr tiah nhàr lơgar càr Kon Tum jàu hìu bơta nđàc ai oh mờ mi kòn đời tàm xã Đăk Xú, kơnhoàl Ngọc Hồi in

Bal mờ broă lơh “Kòn ròng Pôs đồng ling sền gàr tiah nhàr lơgar”, tàm ală nam do bal mờ uă broă lơh geh kuơ ngan, loh làng ngan bềng nùs nhơm kờ` gơboh kòn bơnus, bè: dong làng bol bơtàu tơnguh lơh sa, niam chài- mpồl bơtiàn, tơn jơh jơgloh tơrmù r[ah; dong làng bol tơn jơh hìu ồm sèt nhhăt dà mìu, hìu lơh ing…kuang bàng, cau ling sền gàr tiah nhàr lơgar càr Kon Tum sùm geh làng bol pin dờn mờ kờ` gơboh ngan. Bơh bơta hơ\ jơh nùs tus bal mờ mpồl ling sền gàr tiah nhàr lơgar ătbồ, sền gàr kơ\ kơl jăp gơnoar tờm ù tiah lơngăp lơngai tiah nhàr lơgar mờ rơndăp tăp sèng niam ờdo ờdă mpồl bơtiàn tàm tiah do.

Cau cih Khoa Điềm- Cau mblàng Lơ Mu K’Yến