VOV4.K’ho- Càr Kon Tum geh gùng nhàr lơgar jòng rlau 292 kơi sồ rềp bal mờ 2 lơgar gơ\p bơyô Lào mờ Campuchia. Tàm ală nam do, bal mờ lơh niam kơnòl broă atbồ, sền gàr gơnoar tờm ù tiah tơl làm dà lơgar dê, gàr kơ\ kơl jăp lơngăp lơngai ờdo ờdă, mpồl ling sền gàr tiah nhàr lơgar càr Kon Tum gam bơ\t bơtàu geh nùs nhơm rcăng lài sền gàr dà lơgar tàm tiah nhàr lơgar, sơlơ lơh niam rlau tai rùp să Cau ling Wa Hồ tàm nùs nhơm làng bol tiah do dê.

Tơnơ\ ală jiơ bơsram tàp tàm tiah pơlam tàp, ală dơ\ lòt sền gàr 16 kơi sồ gùng nhàr lơgar rềp nhàr bal mờ lơgar gơ\p bơyô Campuchia, kuang bàng cau ling Pôs đồng ling sền gàr tiah nhàr lơgar Sa Loong, kơnhoàl Ngọc Hồi, càr Kon Tum dê tus tai mờ làng bol tàm 6 thôn, [òn tàm xã.

           Kuang bàng, cau ling Pôs đồng ling sền gàr tiah nhàr lơgar Sa Loong lòt sền tiah nhàr lơgar

Trung tá Phan Trọng Bình, Kuang atbồ Pôs đồng ling sền gàr tiah nhàr lơgar Sa Loong chờ hờp pà gi\t, ală rơnàng kuang bàng, cau ling bơh Pôs đồng dê sùm lơh jat niam jơnau đơs “Pôs đồng là hìu, tiah nhàr lơgar là [òn tờm, làng bol ală jơi bơtiàn kòn cau là oh mi pròc mhàm”.

Pôs đồng ling sền gàr tiah nhàr lơgar mờ làng bol tàm ù tiah xã Sa Loong bè oh mi pròc mhàm tờm. Bơta tam klac bal rềp mềl ngan, gi\t wa\ wờng bal, kong bòl glar bal, sùm dùl nùs dùl tồr bal. Làng bol dùl nùs bal mờ Mpồl ling sền gàr tiah nhàr lơgar lơh gơs kơnòl broă geh jàu. Geh ală jơnau yal iơh, ờ niam, geh ală cau muh mat krơi geh broă lơh tìs mờ adat boh lam den làng bol ndrờm yal wơl mờ dong kờl cau ling sền gàr tiah nhàr lơgar. Cau ling sền gàr tiah nhàr lơgar mìng geh bàr đah tê, bàr nơm mat. Làng bol den geh rbô tê rbô nơm măt den tàng bơh hơ\ dong ai kuang bàng cau ling Pôs đồng ling sền gàr tiah nhàr lơgar Sa Loong in lơh gơs niam mờ lơh gơs jak ngan kơnòl broă geh jàu.

Bơh uă nam do, Pôs đồng ling sền gàr tiah nhàr lơgar Sa Loong sùm lơh sùm broă ai 30 nă kuang bàng, cau ling dong kờl rlau 70 hìu bơnhă làng bol geh rài kis kal ke bơtàu tơnguh lơh sa, kơ\ kơl jăp rài kis. Bơh bơta dong kờl bè sơntìl chi tam, phan ròng, ngai lơh broă mờ pơlam bơta chài ròng phan bơh kuang bàng, cau ling sền gàr tiah nhàr lơgar dê mờ uă hìu làng bol tàm tiah nhàr lơgar Sa Loong neh sơrlèt gan lik klàs bơh rài kis jơgloh r[ah. 

Hìu bơnhă bi A Liên ơm tàm [òn Giang Lố 1 là jơnau ai lơh pơnyơu. Pơgăp mờ do mờr 4 nam, bi A Liên geh mpồl ling sền gàr tiah nhàr lơgar dong kờl bàr yô sur me bal mờ 2 rbô tờm bời lời. Kơnờm ròng phan [ươn, chi tam hòn gơs dờng niam, tu\ do pah nam mìng is priă tăc sur, tăc kơmhò chi bời lời là hìu bơnhă bi A Liên geh tai 10 tơlak priă.

             Mpồl ling lơh sơnơm gơ wèt Pôs đồng ling sền gàr tiah nhàr lơgar kham sơm kòp mò Y Lon in

Bi Y Gết, cau sơdàng, hìu kung tàm [òn Giang Lố 1 sơl pà gi\t, hìu bơnhă lơi tàm [òn kung geh lơm kuang bàng, cau ling Pôs đồng ling sền gàr tiah nhàr lơgar Sa Loong sền gròi, dong kờl mờ gi\t ưn ngài ngan bơta hơ\.

Geh bàr pe nă wa cau ling sền gàr tiah nhàr lơgar sền gròi den là chờ hờp ngan. Hìu bơnhă kung ưn ngai sơl ală wa uă ngan.

Nàng làng bol 11 jơi bơtiàn kòn cau bal mờ rlau 5.600 nă làng bol tàm xã ngan ngồn gơ gơs là “oh mi pròc mhàm tờm”, kuang bàng mờ cau ling tàm Pôs đồng ling sền gàr tiah nhàr lơgar Sa Loong sùm “ơm bal, sa bal, lơh broă bal mờ làng bol”. Ờ mìng lam lài tàm broă dong kờl xã Sa Loong bơ\t bơtàu [òn lơgar pa, uă broă lơh, bơnah broă geh kuang bàng cau ling tàm do kơ\ nùs ngan dờp lơh sùm tàm uă nam do neh sơlơ lơh niam tai rùp să Cau ling Wa Hồ dê tàm nùs nhơm làng bol tàm tiah do.

Neh gơ gơs mờng quèng, làng bol tàm xã geh jơnau kờ` siăt so\ tus ngai dơ\ poh, ngai rlô pah poh là lòt jòi tai tus mờ ală Cau siăt so\ ling sền gàr tiah nhàr lơgar. Bơh broă lơh “Dong kờl oh lòt bơsram”, kuang bàng cau ling tàm Pôs đồng ling sền gàr tiah nhàr lơgar Sa Loong dong 2 nă kơnòm bơsram geh rài kis kal ke pơn jat tai geh lòt bơsram. Pah nhai tơl nă oh geh dờp 500 rbô đong dong kờl bơsram.

Kờ` gơboh kơnòm dềt, sền dờng màng cau kra, bơh nhai 7 nam 2018, Pôs đồng ling sền gàr tiah nhàr lơgar Sa Loong dờp ròng siam sền gàr mò Y Lon, 91 sơnam mờ mò Y Huynh 93 sơnam. Pah poh, pah nhai, ling lơh sơnơm tus tơn tàm hìu kham kòp, pà sơnơm ờ sa priă ai 2 nă mò in. Mpồl lơh broă [òn lơgar geh kơnòl dong kờl ală mò lơh sàng goh anih ơm, anih bic, anih sàu sa. Pah nhai dùl dơ\ Kấp ủy, Mpồl đơng lam Pôs đồng să tờm lòt còp, pà phan mờ dong kờl tơl nă mò 200 rbô đong. Ală broă lơh bềng bơta nđàc mờ geh kơnòl do neh pơgồp bơnah sơlơ lơh kơ\ kơl jăp rlau tai nùs nhơm tam klac bal đah ling klàng mờ làng bol tàm tiah nhàr lơgar. Ồng Thao In, Chủ tịch Mpồl cau dờng sơnam xã Sa Loong đơs bè do.   

Pôs đồng ling sền gàr tiah nhàr lơgar Sa Loong sền gròi ngan gơ wèt mờ xã Sa Loong bol a` dê, ngan là Mpồl cau dờng sơnam. Ală cau dờng sơnam là cau ờ geh pràn lơh broă tai. Pôs đồng ling sền gàr tiah nhàr lơgar dờp ròng siam dong kờl ală ai ồng mò là niam ngan. 

Kơnờm lơh jat niam jơnau đơs “Pôs đồng là hìu, tiah nhàr lơgar là [òn tờm, làng bol ală jơi bơtiàn kòn cau là oh mi pròc mhàm tờm”, kuang bàng cau ling tàm Pôs đồng ling sền gàr tiah nhàr lơgar Sa Loong lơh broă tàm ù tiah xã Sa Loong, kơnhoàl Ngọc Hồi, càr Kon Tum neh bơ\t bơtàu geh nùs nhơm rcăng lài sền gàr dà lơgar làng bol dê tàm tiah nhàr lơgar. Do là jơnau kuơmàng nàng pôs đồng ling in tàm sùm ală nam do sùm lơh gơs niam mờ lơh gơs jak ngan kơnòl broă atbồ, sền gàr gơnoar tờm tơl làm ù tiah dà lơgar dê, gàr kơ\ lơngăp lơngai rơndăp tăp sèng ờdo ờdă tàm tiah nhàr lơgar mờ Pôs đồng dờp lơh kơnòl broă.

Cau mblàng Lơ Mu K’Yến