VOV4.K’ho – Drim ngai 27/4, tàm [làng tơp [ồc cau ling chơt màng kơnhòal Ngọc Hồi, Tỉnh ủy, HĐND, UBND, Ủy ban Mặt trận dà lơgar Việt Nam càr Kon Tum bơyai lơh ies mờ tơp 21 [ồc ntìng cau ling chơt màng là ling lơh broă dong kờl is mờ cau jak chài lơgar Việt Nam chơt phi să tàm lơgar Lào mờ lơgar Campuchia.

Tus bal dơ\ bơyai lơh geh Mpồl kuang bàng Gah đơng lam Quân khu 5, càr Kon Tum bal mờ kuang ala mat gơ noar atbồ mờ làng bol kơnhòal Ngọc Hồi.

Dơ\ ies, tơp 21 [ồc ntìng cau ling chơt màng ling dong kờl is, cau jak chài lơgar Việt Nam chơt phi să tàm lơgar Lào mờ lơgar Campuchia tàm ală rài tam lơh geh lơh tàm nùs nhơm ki ngàm, ai tơnggo\ bơta kah ưn ngài ua\ ngan ală cau ling chơt màng neh chơt phi să tài khat gơboh, lơngap lơngai is bơh dà lơgar dê, tài kơ nòl broă dunia dờng màng. Jơh 21 [ồc ntìng cau ling chơt màng ndrờm ờ hềt git mat sơnđan, mpồl ling mờ [òn tờm.

Sở Lao động, Thương binh mờ Xã hội càr Kon Tum neh ai 8 mẫu sinh phẩm bơh 8 [ồc ntìng cau ling chơt màng dê nàng pơyua lơh xét nghiệm AND. Ală kuang bàng tus bal dơ\ ies mờ tơp [ồc ntìng cau ling chơt màng ndrờm lơh jat ală broă lơh rơcang sơndră kòp Covid-19 bè pơn chèu glòm muh mat, ngui dà ràu tê lơh kloh khuẩn, ơm ngài 2 thơk, [ồm sơnơm lơh kloh khuẩn rơndeh rơndồ, phan bơna.

Cau mblàng K’Duẩn