VOV4.K’ho – Càr Kon Tum geh bă brê mờ ù lâm nghiệp gơguh tus rlau 779 rbô lồ. Tàm hơ\ bă ù geh brê là rlau 602 rbô lồ. Den tàng, broă lam lơh jat geh cồng nha broă lơh tơm pria\ sền gàr brê neh mờ gam dong broă lơh atbồ, sền gàr brê niam rlau mờ rài kis làng bol dê bơh hơ\ kung geh tam gơl ua\ ngan.

Gơwèt mờ ua\ hìu bơnhă làng bol mờ [òn làng bol kòn cau Sơdàng mờ kòn cau H’rê tàm kơnhòal Kon Plông, càr Kon Tum, tus bal atbồ, sền gàr brê neh là broă lơh ờs mờng sùm bơh ua\ nam do. Broă pah nam geh tai dùl bơnah pria\ jền lơh geh kơ\ kơljap bơh broă sền gàr brê dong rài kis làng bol dê ngai sơlơ bơtàu tơnguh.

Ồng A Klâm, Phó Chủ tịch UBND thị trấn Măng Đen đơs nền bè bơta kuơ bơh broă lơh tơm pria\ sền gàr brê gơ wèt tus mờ làng bol tàm [òn lơgar dê bè do: “Làng bol tu\ mờ geh dờp kuơ bơh broă tơm pria\ sền gàr brê den làng bol jơh nùs rlau. Ngan là bơta tàm broă lơh rơcang sơndră, crùh ồs sa halà lòt sền, gròi sền, sền gàr brê. Làng bol den kung chờ hờp rlau mờ lài do tu\ ờ hềt geh broă tơm pria\ sền gàr brê. Làng bol ngui pria\ hơ\ nàng kơlôi rơcang rài kis hìu bơnhă dê in. Dùl bơnah làng bol kung tă pơgồp nàng ngui bal tàm [òn lơgar là nàng lòt sền, gròi sền, sền gàr brê”.

Broă tơm pria\ sền gàr brê ngai sơlơ geh lơh ua\ tàm rài kis, neh cèng wơl cồng nha ngan ngồn ai ală mpồl tờm brê, làng bol, [òn lơgar mờ ai broă lơh atbồ, sền gàr brê bơh càr Kon Tum dê. Broă lơh atbồ, lam lơh jat broă lơh ngai sơlơ jak chài, loh làng lơh gơlik bơta pin dờn tus mờ mpồl bal, cau dùl nă să lơh tơn kơnòl broă atbồ, sền gàr brê. Bal mờ hơ\, broă lam lơh jat broă lơh do neh hòi jà geh ală kấpmờ ua\ gah broă lơh tus bal, lơh gơlik cồng nha bal.

Mùl go\ ngan là bè broă lơh jat gùng dà broă lơh tơm pria\ sền gàr brê bơh tài khoản ngân hàng. Ồng Đỗ Phú Cường, Phó Kuang atbồ Ngân hàng chính sách xã hội kơnhòal Kon Plông pà git: “Ngân hàng neh pơgồp bal mờ ală cau tờm brê, UBND xã mờ ală thôn pơlam làng bol in pờ tài khoản pria\ pơyua tàm Ngân hàng chính sách xã hội kơnhòal. Tus tu\ do, kung neh pờ geh 464 tài khoản pria\ pơyua. Ngân hàng geh 9 anih lơh broă tàm UBND ală xã. Tu\ geh sră cih mat bơh gah tơm pria\ sền gàr brê dê pơyua Ngân hành chính sách in, den ngân hàng geh lơh broă tơm pria\ ai jơh ală hìu bơnhă làng bol neh pờ tài khoản tàm anih lơh broă bơh xã hơ\ dê mờ geh bơta sền go\ tơn bơh UBND , cau tờm brê mờ kuang atbồ ală thôn dê”.

Tơnơ\ rlau 8 nam lam lơh broă lơh tơm pria\ sền gàr brê, mùl màl tàm càr Kon Tum ai go\, do là broă lơh niam nàng sền gàr mờ bơtàu tơnguh brê kơ\ kơljap. Ồng Hồ Thanh Hoàng, Kuang atbồ Kes pria\ sền gàr mờ bơtàu tơnguh brê càr Kon Tum pà git, bơh rlau 8 nam lam lơh broă lơh, Kes pria\ neh ai geh dùl bơnah pria\ jền dờng ngan mờ kơ\ kơljap sùm nàng tơm pria\ ai broă lơh sền gàr mờ bơtàu tơnguh brê in, mơkung kơp kờ` broă lam lơh broă do ngai sơlơ geh cồng nha rlau: “Bơh rlau 8 nam lam lơh broă lơh do, bol a` neh ai geh dùl bơnah pria\ jền dờng ngan mờ kơ\ kơljap sùm nàng tă tơm ai mờr 360 rbô lồ brê geh sền gàr in, geh mờr 63,5% bă brê bơh gùt càr dê. A` kơp kờ` broă lơh tơm pria\ sền gàr brê geh lơh niam rlau tai tàm tơngai tus. Chính phủ geh tơlik ua\ bơta broă lơh ai pria\, ua\ broă drơng ala ai pria\. Mùl màl, là ai pria\ ală bơta phan lơh gơlik phan [ơ\ bơh ală anih lơh sa mờ ma\i mok geh khà tơlik phan [ơ\ ua\. Dilah gơtùi ai ală bơnah pria\ do den geh dong ală tiah ờ geh hìu ma\i pờ tơlik ồs đèng geh pria\ jền sùm nàng sền gàr mờ bơtàu tơnguh brê. Bal mờ hơ\, den ală bơnah pria\ ai bơh broă ndai pal tơm broă sền gàr brê in den ua\ ngan là hòi jà ală bơnah pria\ ai geh nàng cèng wơl pria\ lơh geh ua\ ngan rlau jơh nàng kờ` hòi jà bơta tă pơgồp ua\ ngan rlau jơh bơh mpồl bơtìan dê ai broă lơh sền gàr mờ bơtàu tơnguh brê in”.

Cau mblàng K’Duẩn